1 KARAENG-KARAENG 14:3 - KITTA' MATANGKASA'

³ Pangngerangngangi sampulo batunna roti, sike'de' kanrejawa, siagang sibotolo' je'ne' bani. Pakkuta'nangngangi ri ia angkanaya apa lakajariang ri Abia, anatta. Lanapauangko anjo na'bia.”

1 KARAENG-KARAENG 14:3 ပူးပေါင်းရင်းမြစ်များ

1 KARAENG-KARAENG 13:7

Nampa nakanamo karaenga ri na'bia, “Umba nakimange angnganre ri ballakku. Erokka' assareki' hadia.”

2 KARAENG-KARAENG 1:2

Ri se'reang allo tu'guruki Karaeng Ahazia iamintu karaeng Israel battu ri baruga bageang ratena balla' kakaraenganga ri Samaria, sa'genna loko' sanna'. Jari assuromi tau untu' a'lampa akkuta'nang ri Baal-Zebub, rewata ri kota Ekron ri Filistin, apaka akkullei a'jari baji' yareka tena.

2 KARAENG-KARAENG 4:42

Ri se'reang wattu maraeng, nia' sitau bura'ne battu ri Baal-Salisa. Napangngerangngangi Elisa gandung beru nikatto kammayatompa ruampulo roti nipareka battu ri wassele' bungasaka ri wattu pakkattoang anjo taunga, kammayatompa battu ri gandung beru nikattoa. Nasuro bagemi Elisa anjo rotia mae ri anjo na'bi-na'bia,

2 KARAENG-KARAENG 5:15

Nampa ammotere'mo siagang sikontu paeranna mange ri Elisa. Nakanamo Naaman ri Elisa, “Kamma-kamma anne kuassemmi angkanaya ri sikontu anne linoa se'reji bawang Allata'ala, iamintu Allata'ala nisombaya ri tu Israel. Lanri kammana anjo kuminasai nakiero' antarimai anne passareku.”

2 KARAENG-KARAENG 5:5

Nakanamo karaenga, “Baji'mi, a'lampamako mange ri karaeng Israel. Lannulisikka' sura' mae ri ia.” Jari a'lampami Naaman, nangngerang 30.000 doe' pera', 6.000 doe' bulaeng, siagang 10 pasang pakeang ga'ga ngaseng.

MATIUS 26:7

nia'mo sitau baine battu mae ri Ia angngerang sibotolo' minynya'-minynya' bau', sannaka ka'jala'na ballinna. Natumpami anjo minynya'-minynya' bauka ri ulunNa Isa, ri sitabanna angnganre Isa.

YOHANES 11:3

Assaremi kabara' anjo ruaya sari'battanna mae ri Isa, angkana, “O Batara, garringi sari'battanna ikambe Kikamaseanga.”