1 KARAENG-KARAENG 14:29 - KITTA' MATANGKASA'

²⁹ Riwaya' maraengannaya ri sesena Karaeng Rehabeam, le'ba'mi nicata' lalang ri kitta' Riwaya'na sikamma karaeng Yehuda.

1 KARAENG-KARAENG 14:29 ပူးပေါင်းရင်းမြစ်များ

1 KARAENG-KARAENG 11:41

Riwaya' maraengannaya ri sesena Salomo, ri passala' sikontu apa le'baka najama siagang ri passala'na pangngassenganna, le'ba'mi nicata' lalang ri kitta' Riwaya' Katallassanna Salomo.

1 KARAENG-KARAENG 14:19

Riwaya' maraenga ri sesena Karaeng Yerobeam, iamintu pamarentahanna siagang sikamma pa'bundukang napimpinga, le'ba'mi nicata' lalang ri kitta' Riwaya'na sikamma karaeng Israel.

1 KARAENG-KARAENG 14:28

Punna a'lampa karaenga mae ri Balla'Na Batara, tuli nierangi anjo sikamma pakkakasaka ri pangawala'-pangawalaka, nampa napoterang antama' ri kamara' jagaya.

1 KARAENG-KARAENG 15:23

Riwaya' maraengannaya ri sesena Karaeng Asa, iamintu kabaranianna siagang kota-kota napakassakkia, le'ba'mi nicata' lalang ri kitta' Riwaya'na sikamma karaeng Yehuda. Ri wattunna toamo nitabai garring Karaeng Asa, iamintu bangkenna.

1 KARAENG-KARAENG 15:6

A'bundu' iji Rehabeam siagang Yerobeam, ia appakkaramulaya ri jammanna Rehabeam kajariangiji lalang wattu pamarentahanna Abiam.

1 KARAENG-KARAENG 15:7

Riwaya' maraengannaya ri sesena Abiam le'ba'mi nicata' lalang ri kitta' Riwaya'na sikamma karaeng Yehuda.

2 KARAENG-KARAENG 14:18

Ri Yerusalem nia' pasikongkolang tau eroka ambunoi Amazia. Jari larimi mange ri Lakhis, mingka niondangi ri musu-musunna sa'genna mange anjoreng nampa nibuno. Maya'na niengkaki siagang jarang mange ri Yerusalem, nampa nitarawang ri pa'jerakkanna sikamma karaenga ri Kota Daud. Jari nilanti'mi Uzia ri ra'ya' Yehuda a'jari karaenna ke'nanga. Anne Uzia ana' bura'nena Amazia. Anjo wattua nampami 16 taung umuru'na Usia. Pau-pau maraengannaya ri passala'na Karaeng Amazia niaki nicata' lalang ri kitta' “Riwaya'na sikamma karaeng Yehuda.”

2 KARAENG-KARAENG 15:15

Lalang ri pa'jappanna battu ri Tirza, naancuru' taba sikalimi Menahem kota Tifsah siagang daera-daera niaka ri ampi'na kammayatompa nabunomi sikontu pandudu'na. Lanri tenana naero' taua ri anjo kotaya manyara mae ri ia, naallemi napue battanna sikamma bai'-baine tiananga ri anjo kotaya. Pau-pau maraengannaya ri passala'na Karaeng Salum, kammayatompa pasikongkolang nagaukanga, niaki nicata' lalang ri kitta' “Riwaya'na sikamma karaeng Israel.”

2 KARAENG-KARAENG 15:36

Ri wattu ammarentana Yotam, appakkaramulami Nakiring Batara iamintu Rezin karaeng Siria siagang Pekah karaeng Israel battu ambunduki tu Yehuda. Pau-pau maraengannaya ri passala'na Karaeng Yotam, niaki nicata' lalang ri kitta' “Riwaya'na sikamma karaeng Yehuda.”

2 KARAENG-KARAENG 15:6

Pau-pau maraengannaya ri passala'na Karaeng Uzia niaki nicata' lalang ri kitta' “Riwaya'na sikamma karaeng Yehuda.”

2 KARAENG-KARAENG 16:19

Pau-pau maraengannaya ri passala'na Karaeng Ahas, niaki nicata' lalang ri kitta' “Riwaya'na sikamma karaeng Yehuda.”

2 KARAENG-KARAENG 20:20

Pau-pau maraengannaya ri passala'na Karaeng Hizkia, ri passala'na jasa-jasa kabaranianna, siagang antekamma batena appare' kollang siagang solongang je'ne' untu' ampa'lo'loroki je'neka mange ri kotaya, yangasenna niaki nicata' lalang ri kitta' “Riwaya'na sikamma karaeng Yehuda.”

2 KARAENG-KARAENG 21:17

Pau-pau maraengannaya ri passala'na karaeng Manasye siagang dosa-dosa nagaukanga, niaki nicata' lalang ri kitta' “Riwaya'na sikamma karaeng Yehuda.”

2 KARAENG-KARAENG 21:25

Pau-pau maraengannaya ri passala'na Amon niaki nicata' lalang ri kitta' “Riwaya'na sikamma karaeng Yehuda.”

2 KARAENG-KARAENG 23:28

Karaeng Yosia matei lalang pa'bundukang ri Megido wattunna a'lampa mange ambunduki Nekho, karaeng Mesir, sitabanga maju siagang pasukanna untu' ambantui karaeng Asyur ri birinna Binanga Efrat. Niallei maya'na Yosia ri sikamma pagawena nampa nierang ammotere' siagang kareta mange ri Yerusalem. Anjoreng nitarawangi ri pa'jerakkanna sikamma karaenga. Nampa napile siagang naangka' ra'ya' Yehuda iamintu Yoahas ana' bura'nena Yosia untu' ansambeangi a'jari karaeng. Pau-pau maraengannaya ri passala'na Karaeng Yosia niaki nicata' lalang ri kitta' “Riwaya'na sikamma karaeng Yehuda.”

2 KARAENG-KARAENG 24:5

Sikontu daeraya, appakkaramula battu ri Binanga Efrat sa'genna pa'baeng-baenna Mesir ri bageang wara' antamaya daera pamarentahanna Karaeng Mesir, nikoasai kabusuki ri Karaeng Babel. Lanri kammana anjo tena le'bakami assulu' karaeng Mesir battu ri pa'rasanganna untu' a'lampa a'bundu'. Pau-pau maraengannaya ri passala'na Karaeng Yoyakim niaki nicata' lalang ri Kitta' “Riwaya'na Karaeng-karaeng Yehuda.” Ri wattunna matemo Yoyakim, ana'na niarenga Yoyakhin ansambeangi a'jari karaeng.

2 KARAENG-KARAENG 8:23

Carita maraengannaya ri passala'na Yehoram niaki nitulisi' lalang ri kitta' Riwaya'na sikamma karaeng Yehuda.

2 PATTOTTORANG 25:26

Baku' a'bokona Amazia ri Batara, assikongkolo'mi taua angngewai ri Yerusalem. Lanri kammana anjo larimi mange ri kota Lakhis; mingka niondangi ri musu-musunna mange anjoreng nampa nibuno. Nierangi maya'na siagang jarang mange ri Yerusalem, nampa nitarawang ri pa'jerakkanna sikamma karaenga ri Kota Daud. Pau-pau maraengannaya ri passala'na Karaeng Amazia battu ri pakaramulanna sa'genna ri kala'busang pamarentahanna, niaki nicata' lalang ri kitta' “Pau-pauanna Sikamma Karaeng Yehuda siagang Israel.”