1 KARAENG-KARAENG 14:25 - KITTA' MATANGKASA'

²⁵ Ri wattu taung makalima ri pamarentahanna Rehabeam, battumi Sisak iamintu karaeng Mesir ambunduki Yerusalem.

1 KARAENG-KARAENG 14:25 ပူးပေါင်းရင်းမြစ်များ

1 KARAENG-KARAENG 11:40

Ri wattunna battu anjo kabaraka mange ri Salomo, usahami ero' ambunoi Yerobeam. Mingka larimi Yerobeam mange ri Karaeng Sisak ri Mesir, nampa ammantang anjoreng sa'genna mate Salomo.

2 PATTOTTORANG 12:9

Jari battumi Karaeng Sisak ambunduki anjo kota Yerusalem nampa narampasa' barang-barang lompoa anggaranna niaka lalang ri Balla'Na Batara siagang ri balla' karaenga, kammayatompa sikamma pannangkisi' bulaeng napareka Karaeng Salomo.