1 KARAENG-KARAENG 14:2 - KITTA' MATANGKASA'

² Nakanamo Yerobeam ri bainenna, “Sadia-sadiako untu' a'lampa mange ri Silo ri balla'na Na'bi Ahia, angkanaya riolo la'jari karaenga' ri Israel. Mingka ammakeang palusukko sollanna tena naassengko taua.

1 KARAENG-KARAENG 14:2 ပူးပေါင်းရင်းမြစ်များ

2 SAMUEL 14:2

lanri kammana anjo assuro allemi sitau baine porea akkala'na niaka ammantang ri Tekoa. Ri wattunna battumo anjo bainea, angkanami Yoab ri ia, “Musti assara-saraiki' kamma tau susa kamateang ibu'; ammakeki' pakeang tau susa kamateang, siagang teaki' ammakei minynya' bau'. Kipare' kammai kalenta baine salloamo angngarru' lanri matenamo tau kingaia.

1 KARAENG-KARAENG 14:1

Anjo wattua ana' bura'nena Yerobeam niarenga Abia, tu'guru' garringi.

1 KARAENG-KARAENG 14:4

Jari a'lampami bainenna Yerobeam mange ri balla'na Na'bi Ahia ri Silo. Anjo na'bia takkulleami accini' lanri sanna'mi toana.

1 KARAENG-KARAENG 20:38

Le'baki anjo naroko'mi rupanna anjo na'bia siagang sipolong kaeng, sollanna tena naniassengi ri taua, nampa a'lampa ammenteng ri biring aganga antayangi panumalona karaeng Israel.

1 KARAENG-KARAENG 22:30

Nakanamo Ahab ri Yosafat, “Lammake palusukka' siagang amminawang a'bundu', mingka ikau parallui nupake pakeang kalompoannu.” Kammaminjo nammake palusu'mo karaeng Israel ri wattunna a'lampa a'bundu'.

2 PATTOTTORANG 18:29

Nakana Ahab ri Yosafat, “Erokka' ammakeang palusu' siagang amminawang a'bundu', mingka ikau pakemi pakeang kalompoannu.” Kammami anjo nammakeang palusu'mo karaeng Israel ri wattunna a'lampa mange a'bundu'.

2 PATTOTTORANG 28:4

Assare tongi Ahas koro'bang siagang attunui dupa ri tampa'-tampa' panynyombanga mae ri rewataya ri moncong-monconga siagang irawanganna poko'-poko' kayu lompoa.

LUKAS 12:2

Nasaba' tenanniakka apa-apa taccokko talakacinikang; yareka tenanniakka apa-apa nirahasiakang talakaassengang.

YOSUA 18:1

Le'baki nabeta tu Israel anjo pa'rasangang Napa'janjianga Batara, asse'remi ke'nanga ri Silo, nampa nabangung ke'nanga Kema KahaderanNa Batara.

1 SAMUEL 28:8

Ammake palusu'mi Saul sollanna tena naniasseng ri taua. Nirurungammi ri rua tu bura'ne, nampa a'lampa siagang battu mange ri balla'na anjo sanroa ri wattu bangnginamo. Nakanamo Saul, “Kio' sai nyawana tu mate kutappua arenna, siagang pala'mi nanatappu apa eroka lakajariang.”