1 KARAENG-KARAENG 14:10 - KITTA' MATANGKASA'

¹⁰ Lanri kammana anjo laKupabattui balaya mae ri kaluarganu. Yangasenna kaluarganu bura'nea, manna pole apa kadudukanna, lanibunoi. LaKupa'lanynyaki kaluarganu, sangkamma tau a'barrasaka loro sa'genna tangkasa'.

1 KARAENG-KARAENG 14:10 ပူးပေါင်းရင်းမြစ်များ

1 KARAENG-KARAENG 13:34

Passabakkang iaminjo panggaukang ja'dala'na nacilakamo siagang ancuru' taba sikali turunganna.

1 KARAENG-KARAENG 16:11

Tasalloai a'jari karaennamo Zimri, nabuno ngasemmi sikontu kaluargana Baesa. Ba'lalo sikontu bija-bijanna Baesa bura'nea kammayatompa agang-aganna kaluargana tena todong ta'lappasa'.

1 KARAENG-KARAENG 16:3

Lanri kammana anjo, laKupa'lanynyakko siagang kaluarganu sangkamma apa le'baka Kugaukang mae ri Yerobeam.

1 KARAENG-KARAENG 21:21

jari iaminne Nakananga Batara mae ri katte, ‘LaKupabattui bala lompoa mae ri kau. LaKupakabellako, siagang sikamma bura'-bura'nea lalang ri kaluarganu, toa yareka rungka, laKupa'lanynya' ngasengi.

2 KARAENG-KARAENG 14:26

Naciniki Batara antekamma sessana tu Israel, nampa tena manna sitau antulungi ke'nanga.

2 KARAENG-KARAENG 21:13

LaKuhukkungi Yerusalem sangkamma batena Kuhukkung Samaria siagang Ahab karaeng Israel kammayatompa jari-jarina. LaKubarrasaki sa'genna tangkasa' sanrapang panne le'baka nibissai nampa nipatinompang.

2 KARAENG-KARAENG 9:37

nampa sikamma tassesaya battu ri anjo maya'na latassiaraki sanrapang tai olo'-olo', sa'genna tena manna sitau lakkulle ambatei angkana inai maya' anjo.’ ”

AYUB 20:7

mingka lalanynya' tonji satunggu-tungguna, lanynya' battu ri linoa, nahina sikali carana lanynya'. Sikamma tau le'baka angngassengi, lakkuta'nangi angkana, ‘He, kemae lampana?’

PAMMUJI 83:10

Gau' kammami ke'nanga tu Midian, sangkamma Sisera siagang Yabin ri Binanga Kisyon,

YESAYA 14:19

mingka ikau tena jera'nu; maya'nu nipelaki sangkamma cu'la' nipelaka, nitambungi ri sikamma maya'na pejuang matea lalang bundu', siagang nipasambilaya siagang ke'nanga antama' ri kali'bong batua, rapang maya' nionjo'-onjokanga.

YESAYA 14:23

LaKupa'jari kollangi Babel, napammantangngi kokoci'. LaKubarrasaki Babel sa'genna tangkasa'. INakke, Batara Kaminang Makoasaya anne a'bicara.”

YESAYA 5:25

Larroi Batara mae ri bansaNa. Sadiami untu' anghukkungi ke'nanga. Lata'ge'gosoki sikamma monconga; maya'-maya'na tau matea latassiaraki rapang loro ri sikamma aganga. Mingka larro iji Batara siagang tuli laNagaukanna hukkunganNa.

YEREMIA 32:18

Kipappicinikangi pangngamaseang satunggu-tungguTa mae ri assa'bu-sa'bua tau, mingka Kihukkung tongi taua lanri dosana tau toana. IKattemi Allata'ala mala'birika siagang porea; arenTa iamintu Batara Kaminang Koasaya.

YEREMIA 8:2

teai untu' nipasse're nampa nitarawang ammotere', passangalinna untu' nibalang parekang ri buttaya sangkamma loro. Sikamma buku-bukunna anjo taua latassiaraki ri dallekanna mataalloa, bulanga siagang sikamma bintoeng napareka rewata ke'nanga, nangaia, nalayania, nasombaya, siagang napappalakkia pitunju'.

YEHEZKIEL 26:4

Lanaancuruki tembo'-tembo'nu siagang lanaruntungi menara-menaranu. Sikontu butta niaka anjoreng laKubarrasaki, sa'genna ia tassesaya iamintu se're mami batu kalotoro' ri tangngana tamparanga.

AMOS 3:6

Maka latena nannekkere' tau ri kotaya punna nalangngere' sa'ra tarompe' tanra pa'bundukanga? Maka akkullei natuju bala se'rea kota, punna tena Napabattui Batara?

ZEFANYA 1:17

Nakana Batara, “LappabattuA' jai bala mae ri umma' rupataua, sa'genna langngosala' mami ke'nanga rapang tau buta. Dorakami ke'nanga mae ri Nakke, siagang kamma-kamma anne tatumpami cera'na ke'nanga rapang je'ne', siagang maya'-maya'na ke'nanga a'jari botto'mi ri tompo'na buttaya.”

MALEAKHI 2:3

LaKuhukkungi ana'-ana'nu, siagang laKusapui rupannu siagang tai olo'-olo' nukoro'bangkanga, nampa lanire'resangko mange ri pa'gompoanna tai oloka.

PAOLE 32:36

LaNapasalamaki Batara bansaNa na Nakamaseang sikamma atanNa, punna tenamo pakkullena nacini' ke'nanga, nala'busu'mo kitta' magassinna.

1 SAMUEL 2:30

INakke, Karaeng Allata'alana Israel, riolo le'ba'Ma' a'janji angkanaya kaluarganu siagang turungannu la'jari palayang mae ri Nakke, salaku imang sa'genna satunggu-tungguna. Mingka kamma-kamma anne tenamo naKuero' ri anjo kammaya! Nasaba' inai-nai ampakala'biriKa' iami laKupakala'biri', na inai-nai anghina' iami laKuhina.

1 SAMUEL 25:22

Tapporo Nabuno laloa' Allata'ala punna tena nakubuno ngaseng sikontu tu bura'ne niaka anjoreng lalang tenanapa nammumba alloa!”

1 SAMUEL 25:34

Natahamma' Batara appanggaukang ja'dala' mae ri kau. Lanri Batara, Allata'alana Israel, ebara' angkana tena nulinta' ambuntulia', ma'nassa mate ngasemmi ana' buana Nabal ri wattu tenanapa nammumba alloa.”