1 KARAENG-KARAENG 13:33 - KITTA' MATANGKASA'

³³ Karaeng Yerobeam tuli tena naero' ambokoi panggaukang ja'dala'na. Untu' angngurusuki anjo tampa'-tampa' sambayang le'baka napaenteng, tulusu' imang-imang battu ri kaluarga biasaya napile. Inai-nai ero', iami naangka' a'jari imang.

1 KARAENG-KARAENG 13:33 ပူးပေါင်းရင်းမြစ်များ

1 KARAENG-KARAENG 15:26

Sangkamma manggena, ammarentayana rioloanganna, ja'dala' tommi panggaukanna ri dallekanNa Batara, sa'genna dorakamo tu Israel.

2 KARAENG-KARAENG 10:29

Lanri kammana anjo Nakanamo Batara ri Yehu, “Sikontu apa Kuparentakanga mae ri kau sollanna nigaukang mae ri jari-jarina Ahab, le'ba'mi nugaukang. Lanri kammana anjo a'janjiA' angkanaya ana' cucunnu sa'genna lapisi' makaappaka la'jari karaengi ri Israel.” Mingka tena nattojeng-tojeng pa'mai'na Yehu anturuki hukkunNa Batara, Allata'alana Israel. Naturuki panggaukanna Yerobeam angngerangai tu Israel mae ri gau' dosaya, iamintu anynyombai mae ri patung sapi bulaeng nipaentenga ri Betel siagang ri Dan.

2 PATTOTTORANG 11:15

Angngangkaki Yerobeam imang-imang untu' kalenna, untu' allayani tampa'-tampa' panynyombang barhalaya siagang untu' anynyomba ri jing-jing kammayatompa patung-patung sapi napareka kalenna.

2 PATTOTTORANG 13:9

Sai le'ba'mi nubongka imang-imanNa Batara, iamintu jari-jarina Harun siagang tu Lewi? Na sambenna iamintu inai-nai sambarang ero' a'jari imang, assala' angngerangi sikayu sapi yareka tuju kayu gimbala'. Nupa'jari imang teai untu' Allata'ala, nasaba' memang kammami anjo batena bansa-bansa maraenga angngangkaki imanna ke'nanga. Mingka ikatte tena nigaukangi kammaya anjo.

2 PATTOTTORANG 17:4

passangalinna anynyombai mae ri Allata'ala. Mannuruki mae ri parenta-parentaNa Allata'ala, siagang tena nakamma karaeng-karaeng Israel batena attallasa'.

2 PATTOTTORANG 28:22

Lalang ri wattu anjo kasukkaranga, ba'lalo pila' dorakaji Ahas mae ri Batara.

PAMMUJI 78:34

Kere wattu naNabuno Allata'ala siapa are jaina ri ke'nanga, assesse'lalammi maraenga nammotere' mae ri Ia.

KALAPPASSANG 28:41

Pipakei sari'battannu Harun anjo pakeanga siagang ana'-ana'na. Minynyaki ke'nanga siagang minynya' zaitun; kammaminjo nanilanti'mo ke'nanga siagang nisa'la'mo ke'nanga untu' allayaniA' salaku imang.

PANGNGEBARANG 27:22

Manna pole nitunrung sarring tau toloa, talalanynyaki katoloanna.

YEREMIA 18:4

Punna kurang baji' pare'na uringa, najama poleangi ammotere' a'jari uring maraeng situru' pare'na apa nakaerokia.

YEREMIA 5:3

Sikontutojenna ia Natuntuka Batara iamintu pa'mai' tamamminraya. Natunrungko Batara, mingka tena nujampangi. Nalicakko, mingka taerokako niajara'. Kapala batuko, siagang taerokako toba' battu ri dosa-dosanu.

AMOS 6:11

Punna assarei parenta Batara, sikamma balla' lompoa siagang ca'dia laniancuru' kabusuki.

AMOS 7:10

Amazia, iamintu imang ri Betel, akkiringi laporang kamma anne mae ri Yerobeam karaeng Israel, “Assikongkoloki Amos siagang ra'yaka untu' angngewaki' karaeng. Kana-kananna nakompa-kompai ra'yaka untu' angngancuruki anne pa'rasanganga.

PAMMILANGNGANG 1:51

Punna a'lettekko, tu Lewi musti ambongkaraki KemaKu, nampa napasang ammotere' ri tampa' pakkemaang berua. Pantaranganna ke'nanga, manna nai punna a'reppeseki ri anjo KemaKu musti nihukkung matei.

PAMMILANGNGANG 17:5

Anjo takkanna tau Kupilea laccu'laki. Kammaminjo caraKu lampamari kunrarenna sikamma tau tulusu' a'moro-moroa mae ri kau.”

PAMMILANGNGANG 3:10

Mingka Harun siagang sikamma ana'na musti nuangkaki untu' anggaukangi tugasa'na salaku imang; pantaranganna ke'nanga, manna pole nai ampaccoba-cobai anggaukangi anjo tugasaka musti nihukkung matei.”

2 TIMOTIUS 3:13

na ia tau ja'dalaka siagang tau paballe-ballea lapila' ja'dalaki. Natipui paranna tau, mingka sikontutojenna manna kalenna ke'nanga nitipu tonji.

HAKING-HAKING 17:5

Nakalenna untu' Mikha nia'mo se're tampa' panynyombanna. Appare'mi siapa are patung barhala siagang silawara' kaeng pannongko' barambang bajunna Imang lompoa. Nampa naangka' sitau ana'na a'jari Imang.