1 KARAENG-KARAENG 13:26 - KITTA' MATANGKASA'

²⁶ Ri wattu nalangngere'na anjo na'bi toaya anjo kabaraka, nakanamo, “Mattantu ia anjo na'bi tenaya namannuruki ri parentaNa Batara! Iaminjo saba'na naNakiring Batara anjo singaya untu' angkokkoki siagang ambunoi sangkamma anjo Napaua Karaeng Allata'ala la'bi riolo.”

1 KARAENG-KARAENG 13:26 ပူးပေါင်းရင်းမြစ်များ

2 SAMUEL 12:10

Lanri tena numappilangngeri ri Nakke siagang lanri nuallena bainenna Uria, jari lalang tunggala' jari-jarinu tuli lania' lamate nibuno.

2 SAMUEL 12:14

Mingka lanri kihinana Batara battu ri anjo panggaukanta, anjo ana' bura'neta beru lassuka lamatei.”

1 KARAENG-KARAENG 13:25

Sikamma tau ammaloa nacini'mi anjo mayaka siagang anjo singaya anjoreng. Nampa a'lampamo ke'nanga ri Betel siagang nacarita ke'nanga anjo apa nacinika ke'nanga.

1 KARAENG-KARAENG 13:27

Nampa nakanamo anjo na'bi toaya ri ana'-ana'na, “Patabanga' pa'lapa'na keledaiku.” Le'baki anjo nai'mi ri keledaina,

PAMMUJI 119:120

Annekkerekka' lanri malla' ri Katte, annekkereki pa'maikku ri kaputusanTa.

PANGNGEBARANG 11:31

Punna lannarima todong pa'balasa' tau bajika ri anne linoa, mattantumi langgappana hukkungang tau ja'dalaka siagang tau dorakaya.

YEHEZKIEL 9:6

Bunoi sikontu tu bura'nea siagang tubainea, tau toa tau rungka, tau toa siagang ana'-ana'. Mingka tea sikaliko apa-apai sikamma tau niaka pammateinna ri abanna. Appakkaramula mako anrinni, ri anne BallakKu.” Jari napakaramulaimi tugasa'na ke'nanga na nabuno sikamma pamimpinna Israel niaka sitabang ammenteng ri Balla'Na Batara.

KAIMANGNGANG 10:3

Jari nakanamo Musa mae ri Harun, “Iaminjo natabaya kananNa Batara ri wattunna angkana, ‘Sikontu allayania mae ri Nakke musti napakala'biriki katangkasangKu. Kupa'nyatai kalompoangKu mae ri sikontu bansaKu.’ ” Mingka tena nakkana-kana Harun.

1 KORINTUS 11:30

Iaminjo saba'na nujaimo a'jari garring siagang lamma, ba'lalo nia' todong mate.

1 PETRUS 4:17

Narapi'mi wattunna laNaadeli Allata'ala linoa. Na Umma' KalenNa Allata'ala laniadeli la'bi riolo. Jari punna lappakkaramula angngadeli Allata'ala ri katte, antekammami kajarianna sikamma tau tenaya natappa' ri anjo Kabara' Baji' battua ri Allata'ala?