1 KARAENG-KARAENG 13:21 - KITTA' MATANGKASA'

²¹ sa'genna napakainga'mo anjo na'bi battua ri Yehuda angkana, “Nakana Batara angkanaya tena numannuruki ri Ia. Tena nanugaukangi apa Naparentakanga mae ri kau.

1 KARAENG-KARAENG 13:21 ပူးပေါင်းရင်းမြစ်များ

PA'JARIANG 3:7

Silalonna memang le'ba'na nakanre anjo rappo kayua, tassungkemi akkala'na ke'nanga siagang naassemmi kalenna ke'nanga assolara'. Jari nakalimbukimi kalenna ke'nanga siagang leko' kayu naanyanga ke'nanga.

2 SAMUEL 24:13

battumi Gad andallekang nampa napabattuang anjo kananNa Batara nakana, “Kereanga kipilei karaeng: Anne pa'rasanganga nituju ri bala kacipurang tallun taung sallona, yareka niondangki' ri musunta lalang tallum bulang sallona, yareka nitujui anne pa'rasanganga ri garring lalang tallung ngallo? Kitappuki kamma-kamma anne apa musti kupabattu mae ri Batara.”

2 SAMUEL 6:7

Anjo memang wattua Nalarromo Karaeng Allata'ala mae ri Uza, lanri nahinana Batara battu ri anjo panggaukanna. Nibunomi Uza ri anjo tampaka, ri ampi'na Patti Parjanjianga.

1 KARAENG-KARAENG 13:17

Le'baka' Naparentakang Batara sollanna tena kungnganre yareka angnginung siagang tena kummotere' ri oloang sangkammaya oloang kuoloa ri wattungku battu.”

1 KARAENG-KARAENG 13:20

Lalang ammempona ke'nanga angnganre, a'bicarami Batara ri anjo na'bi toaya,

1 KARAENG-KARAENG 13:22

Ammotere' mako siagang angnganre angnginung, na nule'ba'mo nipisangkai untu' anggaukangi anjo kammaya. Lanri kammana lanibunoko, nampa talanitarawanga maya'nu ri jera'na kaluarganu.”

1 KARAENG-KARAENG 20:36

Nakanamo anjo na'bia, “Lanri tenana nanugaukangi parentaNa Batara, lanibakkaiko ri singa tena nasallo ammotere'nu battu anrinni.” Kammatojengi. Tena nasallo ammotere'na battu anjoreng, nibakkaimi nanikokko' ri sikayu singa.

ESTER 6:13

Nacaritami mae ri bainenna siagang sikamma aganna apa le'baka nagaukang. Jari nakanamo bainenna siagang sikamma anjo agang-aganna appikkiri' bajika, “Appakkaramula mako nabeta gassing Mordekhai. Ia tu Yahudi, nampa takkulleako angngewai. Mattantu lanabetako.”

YEREMIA 2:19

Kaja'dallannu tonji anghukkungi kalennu, nisessako lanri nusorongbokoA', iNakke, Allata'alanu. Kamma-kamma anne kasia'mi pai'na siagang paccena punna nubokoiA' siagang tena nupakalompoA'. INakke, Karaeng Allata'alanu anne le'ba' a'bicara; iNakkemi Karaeng Allata'ala Kaminang Tinggia siagang Makoasaya.”

KAIMANGNGANG 10:3

Jari nakanamo Musa mae ri Harun, “Iaminjo natabaya kananNa Batara ri wattunna angkana, ‘Sikontu allayania mae ri Nakke musti napakala'biriki katangkasangKu. Kupa'nyatai kalompoangKu mae ri sikontu bansaKu.’ ” Mingka tena nakkana-kana Harun.

PAMMILANGNGANG 20:12

Mingka nikalarroimi Musa siagang Harun ri Batara, angkana, “Lanri kurang tappa'nu sipa'rua mae ri Nakke untu' ampa'nyatai kakoasangKu matangkasaka ri dallekanna bansa Israel, tena nalanupimping ke'nanga antama' ri pa'rasangang Kupa'janjianga mae ri ke'nanga.”

PAMMILANGNGANG 20:24

“Tena nalantama' Harun ri pa'rasangang le'baka Kupa'janjiang mae ri bansa Israel; lamatei lanri ikau sipa'rua nubaliangi parentaKu ri ampi'na timbuseng je'ne' Meriba.

PAPPICINI' 3:19

Sikamma tau Kukamaseanga Kupakaingaki siagang Kuba'balaki. Lanri kammana, paralluko allompoi ngasengi sumanga'nu, siagang toba' battu ri dosa-dosanu ngaseng.

1 SAMUEL 15:19

Angngapa natena kigaukangi parentaNa Batara? Angngapa ki'lumba-lumbaeng angngalle barang-barang nirampasa', siagang lanri kammana anjo nakipakabirisi' atinNa Batara?”

1 SAMUEL 4:18

Napabattuna anjo taua kabara'na anjo Patti Parjanjianga, tu'guru'mi Eli battu ri kaderana ri ba'leanna pakke'bu' lompoa. Lanri toa dudunamo siagang lanri co'mo'na, sa'genna tepo'mo kallonna ri wattunna tu'guru', na matemo. Patampulo taungi sallona napimping tu Israel.