1 KARAENG-KARAENG 13:2 - KITTA' MATANGKASA'

² Lanri parentaNa Batara, akkio'mi anjo na'bia mae ri anjo tampa' pakkoro'bangnganga angkana, “He tampa' pakkoro'bangngang, he tampa' pakkoro'bangngang! Kammai anne kananNa Batara, ‘Nia' sitau ana' laniareng Yosia lanilassukang lalang ri kaluargana Daud. Irateannu, he kau tampa' pakkoro'bangnganga, lanabuno sikontu imang-imang niaka tugasa' ri tampa'-tampa' passambayangang mae ri rewataya, siagang pole tau le'baka assare koro'bang irateannu. Na irateannu tommi lanitunu buku-bukunna rupataua.’ ”

1 KARAENG-KARAENG 13:2 ပူးပေါင်းရင်းမြစ်များ

1 KARAENG-KARAENG 13:32

Anjo apa le'baka napau lanri parentaNa Batara ri anjo tampa' pakkoro'bangnganga ri Betel siagang ri sikontu tampa' passambayanganga ri kota-kota Samaria, mattantu lakajariangi.”

2 PATTOTTORANG 34:1

Nampami 8 taung umuru'na Yosia ri wattunna a'jari karaeng ri Yehuda, siagang ammarentai 31 taung sallona ri Yerusalem.

2 PATTOTTORANG 34:3

Narapi'namo 8 taung sallona ammarenta, ri umuru' rungka dudua iji, appakkaramulami Yosia anynyomba mae ri Allata'ala nasombaya Karaeng Daud boe-boena. Narapiki patang taung ribokoanganna, appakkaramulami naancuru' tampa'-tampa' panynyombang barhalaya, patung-patung Dewi Asyera, siagang barhala-barhala maraengannaya.

YESAYA 1:2

Pilangngeri he langika, parhatikangi he buttaya! Nakana Batara, “Ana'-ana' le'baka Kuparakai angngewai ri Nakke.

YESAYA 42:9

Kamma-kamma anne apa le'baka Kutappu riolo kajariammi; erokKa' pole ampabattui passala' berua; ri tenanapa nakajariang anjo, Kupau riolomi mae ri kau.”

YESAYA 46:10

Battu ri pakaramulanna Kupaumi apa-apa labattua ri bokoanganna, battu riolo Kutappu memammi apa lakajarianga. Kukana: Lakajarianga apa le'baka Kutappuki, mattantu Kugaukangi erokKu!

YESAYA 58:1

Nakana Batara, “Gassingi ammarrang! Pauangi sikamma dosana ummakKu.

YEREMIA 1:2

A'bicara Batara mae ri Yeremia ri taung makasampulona antallu lalang ammarentana Yosia ana'na Amon karaeng Yehuda.

YEREMIA 22:29

O, pa'rasangangku, pilangngeri apa kananNa Batara, angkana,

YEHEZKIEL 36:1

Nakana Batara, “He tau, a'bicarako mae ri moncong-monconna Israel siagang suroi ke'nanga ampilangngeri pasanNa Batara Kaminang Tinggia, angkana,

YEHEZKIEL 38:4

LaKupalekkoi, laKupitabai pakkai' cango-cangona, nampa Kupasinta' assulu' siagang sikontu pasukanna. Jai sikali pasukang a'jaranna, ammakeang sangkamma-kammaya. Tunggala' tantarana massing angngerangi pannangkisi' siagang pa'dang.

LUKAS 19:40

Appialimi Isa Nakana, “Patappaki angkanaya: punna a'mereki ke'nanga, la'gora-gorai anne batu-batua.”

PAOLE 32:1

“Mappilangngeriko, e, langika, erokka' anne a'bicara, e, buttaya, tannangi tolinnu!