1 KARAENG-KARAENG 13:1 - KITTA' MATANGKASA'

¹ Anjo wattua nia' sitau na'bi ri Yehuda. Nisuroi ri Batara a'lampa mange ri Betel. Battui anjo na'bia mange anjoreng sitabanna ammenteng Yerobeam ri dallekanna tampa' pakkoro'bangnganga untu' assare koro'bang.

1 KARAENG-KARAENG 13:1 ပူးပေါင်းရင်းမြစ်များ

1 KARAENG-KARAENG 12:22

Mingka nisuromi Na'bi Semaya ri Allata'ala,

1 KARAENG-KARAENG 13:26

Ri wattu nalangngere'na anjo na'bi toaya anjo kabaraka, nakanamo, “Mattantu ia anjo na'bi tenaya namannuruki ri parentaNa Batara! Iaminjo saba'na naNakiring Batara anjo singaya untu' angkokkoki siagang ambunoi sangkamma anjo Napaua Karaeng Allata'ala la'bi riolo.”

1 KARAENG-KARAENG 13:32

Anjo apa le'baka napau lanri parentaNa Batara ri anjo tampa' pakkoro'bangnganga ri Betel siagang ri sikontu tampa' passambayanganga ri kota-kota Samaria, mattantu lakajariangi.”

1 KARAENG-KARAENG 13:5

Ti'ring rumbammi silalonna anjo tampa' pakkoro'bangnganga siagang tattumpami auna naung ri buttaya, sangkamma le'baka napau anjo na'bia lanri parentaNa Batara.

1 KARAENG-KARAENG 13:9

Anggappa' parenta battu ri Batara sollanna tena kungnganre yareka angnginung, siagang tena kulammotere' angngolo ri oloang kuoloa ri wattungku battu mae.”

1 KARAENG-KARAENG 20:35

Lanri parentaNa Batara, nia'mo sitau na'bi battu ri pa'rappunganna anjo na'bia ansuro ba'ji anjo aganna. Mingka taerokai anjo aganna.

2 KARAENG-KARAENG 23:15

Napanraki tongi tampa' panynyombanga ri Betel nabangunga Karaeng Yerobeam ana'na Nebat, karaeng angngerangai tu Israel mae ri gau' dosaya. Nampa nareppe' Yosia tampa' pakkoro'bangngang niaka ri anjo tampa' panynyombanga, siagang natunu siagang patunna Dewi Asyera niaka anjoreng.

2 KARAENG-KARAENG 23:17

Akkuta'nammi angkana, “Inai pata jera' anjo?” Appialimi tu Betel angkana, “Anjo jera'na sitau na'biNa Batara le'baka battu mae anrinni battu ri Yehuda, siagang antappuai sikamma kajariang silalonnaya le'ba' kigaukang mae ri anne tampa'-tampa' pakkoro'bangnganga.”

2 PATTOTTORANG 26:16

Ri wattunna kassa'mo Uzia, a'jari tampomi, siagang iami anjo a'jari saba' naancuru'. Nadakkai parentaNa Karaeng Allata'alana lanri antamaki ri Balla'Na Batara untu' attunu dupa irate ri tampa' pakkoro'bangngang dupaya.

2 PATTOTTORANG 26:18

untu' ampisangkai appanggaukang kamma. Nakana ke'nanga, “Karaeng mala'biri'! Tena nakisiratang attunu dupa untu' Batara. Anjo kammaya tugasa'na imang-imang jari-jarina Harun, lanri iami ke'nanga le'ba' nitangkasi untu' jama-jamang kammaya anjo. Kibokoi laloi anne tampa' matangkasaka! Angngewa maki' antu ri Karaeng Allata'ala, siagang tenamo nakianggappa barakka'Na.”

2 PATTOTTORANG 9:29

Pau-pau maraengannaya ri passala'na Karaeng Salomo sa'genna kala'busanna niaki nicata' lalang ri kitta' Pau-pauanna Na'bi Natan siagang lalang ri kitta' Kana tappu riolona Ahia tu Silo, siagang lalang ri kitta' Pappicini' Na'bi Ido, niaka todong napau pau-pauanna pamarentahanna Yerobeam karaeng Israel.

YEREMIA 11:12

Nampa a'lampa tu Yehuda siagang pandudu'na Yerusalem mange appala' tulung ri rewata-rewata maraeng napakalompoa assare koro'bang. Tena nalanakulle anjo rewata-rewataya ampasalamaki ke'nanga ri wattunna battu balaya.

YEREMIA 25:3

“Lalang ruampulo antallu taung, appakkaramula battu ri taung makasampulona antallu ammarenta Yosia ana' bura'nena Amon ri Yehuda, sa'genna anne alloa le'ba'mi a'bicara Batara mae ri nakke siagang tale'baka' takkaluppa ampabattui mae ri kau ngaseng apa le'baka Napau. Mingka tena nujampangi.

YEREMIA 32:29

siagang lanatunui sa'genna la'busu' siagang ngaseng sikamma balla' napammantangngia tau ampakallarroA', lanri iratemi ri pattongko'na sikamma anjo ballaka attunu ke'nanga dupa untu' Rewata Baal, kammayatompa appatiri' anggoro' untu' napassareang mae ri rewata-rewataya.

AMOS 7:13

Tea' mako akkato'bai pole ri Betel. Anne kotaya nisa'laki untu' kalenna karaenga, siagang tampa' ibadana sikontu ra'yaka!”

AMOS 7:16

Jari pilangngerimi apa kananNa Batara mae ri kau. Lanri nupisangkaia' akkato'ba angngewai bansa Israel,

MALEAKHI 1:11

NipakalompoA' ri sikamma bansa-bansaya ri sikontu linoa. Kere-keremae nitunui dupaya untu' ampakalompoi arengKu siagang nipassareangi sikamma koro'bang siratanga, ba'lalo sikontu bansaya napakalompoA'.

PAMMILANGNGANG 16:40

Iaminjo a'jari pappiu'rangi mae ri bansa Israel angkanaya pantaranganna jari-jarina Harun, tena manna sitau akkulle battu mae ri tampa' pakkoro'bangnganga untu' attunu dupa mae ri Batara. Inai tau andakkai anjo paratoranga lanipanraki sangkamma Korah siagang sikontu tumminawanna. Yangasenna anjo kammaya nigaukangi situru' apa Naparentakanga Batara mae ri Eleazar tete ri Musa.

1 TESALONIKA 4:15

Untu' anjo passalaka, iaminne pangngajara'Na Batara, eroka napabattu ikambe mae ri kau ngaseng: Punna battu sallang Isa, ikatte tau attallasaka ija talanipilumbayai tau la'bi rioloa mate.

PAPPICINI' 8:3

Nia'mo sitau malaeka' maraengang, battu ammenteng ri dallekanna tampa' pakkoro'banganga; angngerangi se're pa'dupang bulaeng. Sanna' jaina kamanynyang nisareangi untu' lanapanaung ri pappala' doanganna sikontu umma'Na Allata'ala, siagang untu' lanipassareanga ri tampa' pakkoro'bangngang bulaenga nipare' ri dallekanna empoang kala'biranga.

1 SAMUEL 2:27

Ri se'reang allo, nia'mo se're na'bi battu mae ri Eli na napabattu pappasang battua ri Batara, nakana, “Ri wattunna boe-boenu iamintu Harun siagang kaluargana a'jari ata ri karaeng Mesir, Kupa'nyatami KalengKu mae ri Harun.

1 SAMUEL 9:6

Appialimi anjo palayanga angkana, “Kitayangi rolong! Ri anne kotaya nia' sitau atanNa Allata'ala. Sanna' nipakala'biri'na ri taua, lanri anjo apa napaua, ma'nassa kajariang tojeng-tojengi. Umba ki'lampa mange ri ia, gassingka akkulleki' napauang kemaei anjo keledai-keledaia.”