1 KARAENG-KARAENG 12:29 - KITTA' MATANGKASA'

²⁹ Nampa naboli' Yerobeam kalase'renna anjo sapi bulaenga ri Betel, na maraengannaya ri Dan.

1 KARAENG-KARAENG 12:29 ပူးပေါင်းရင်းမြစ်များ

PA'JARIANG 12:8

Le'baki anjo napatulusu'mi jappana a'lampa timboro', ri daera a'bontoa irayanganna kota Betel nampa akkema ri alla'na kota Betel siagang kota Ai. Betel ilaukang siagang Ai irayangngang. Ambangung tommi anjoreng tampa' pakkoro'bangngang nampa anynyomba ri Batara.

PA'JARIANG 14:14

Nalangngere'na Abram angkanaya niallei kamanakanna, napasse'remi sikamma tau niaka ri kemana, iamintu sikamma tu cara'deka a'bundu', nia' 318 jaina tau. Nampa naondang ke'nanga anjo appaka karaeng sa'genna mange ri kota Dan.

PA'JARIANG 28:19

Naaremmi anjo tampaka Betel. (Riolo arenna Lus.)

PA'JARIANG 35:1

Ri se'reang allo Nakanamo Allata'ala ri Yakub, “INakkemi Allata'ala le'baka ampappicinikangi KalengKu mae ri kau ri wattunnu lari battu ri daennu Esau. A'lampamako mange ri Betel. Ammantang mako anjoreng, siagang ambangung mako tampa' pakkoro'bangngang untu' iNakke.”

1 KARAENG-KARAENG 13:4

Nalangngere'na Yerobeam anjo kana-kana kammaya, najo'jo'mi anjo na'bia nampa ammarrang angkana, “Jakkalaki anjo taua!” Mingka a'jari matemi silalonna limanna Yerobeam, sa'genna takkullea nabeso' ammotere'.

1 KARAENG-KARAENG 15:20

Nasitujuimi Benhadad anjo pappala'na Asa. Nasuromi komandang-komandang tantarana siagang pasukanna ke'nanga mange ambunduki kota-kota Israel. Nabetami ke'nanga Iyon, Dan, Abel-Bet-Maakha, siagang Kinerot ri ampi'na Tamparang Galilea, kammayatompa sikontu daera Naftali.

2 KARAENG-KARAENG 10:29

Lanri kammana anjo Nakanamo Batara ri Yehu, “Sikontu apa Kuparentakanga mae ri kau sollanna nigaukang mae ri jari-jarina Ahab, le'ba'mi nugaukang. Lanri kammana anjo a'janjiA' angkanaya ana' cucunnu sa'genna lapisi' makaappaka la'jari karaengi ri Israel.” Mingka tena nattojeng-tojeng pa'mai'na Yehu anturuki hukkunNa Batara, Allata'alana Israel. Naturuki panggaukanna Yerobeam angngerangai tu Israel mae ri gau' dosaya, iamintu anynyombai mae ri patung sapi bulaeng nipaentenga ri Betel siagang ri Dan.

2 KARAENG-KARAENG 2:2

nampa ri tangngana aganga nakanamo Elia mae ri Elisa, “Ammantangko anrinni. Nasuroa' Batara a'lampa mange ri Betel.” Mingka appialimi Elisa angkana, “Lanri Batara mattallasaka siagang lanri nyawata bapa', tena nakuero' ambokoiki'.” Jari siagammi ke'nanga ampatulusuki lampana sa'genna mange ri Betel.

2 PATTOTTORANG 13:8

Kamma-kamma anne gassingka nukapangi angkanaya akkullei nuewa kakoasang Napassareanga Batara mae ri jari-jarina Daud, lanri lompona pasukannu siagang lanri nia'na patung sapi bulaennu nipareka a'jari rewata ri Yerobeam untu' nusomba.

YEREMIA 48:13

Lala'bai pa'mai'na Moab mae ri Kamos, rewatana ke'nanga, sangkamma batena Israel la'ba pa'mai'na ri Betel ia napattoanga ke'nanga.

YEREMIA 8:16

Nia'mi musua ri kota Dan; kalangngerammi sa'ra jaranna ke'nanga, na sikontu bonena pa'rasanganga a'jari malla' ngasemmi. Battumi musua untu' angngancuruki sikontu pa'rasanganta, kammayatompa sikontu kota-kotata siagang sikontu pandudu'na.”

HOSEA 10:5

Pandudu'na Samaria lamallaki; ke'nanga siagang imang-imanna ke'nanga allayania ri anjo sapi bulaenga ri Betel lasi'nai siagang langngarruki lanri lanynya'mi sikontu kalompoanna anjo barhalana ke'nanga.

HOSEA 4:15

He ikau ngaseng tu Israel, tena namajarre' pa'mai'nu mae ri Nakke! Mingka, Kurannuangi Yehuda natenaja nagaukang tongi kasalang kammaya! Teako mangei anggaukangi ibadanu ri Gilgal yareka ri Betel. Teako assumpai anjoreng lanri arenNa Batara mattallasaka.

AMOS 5:5

Teako a'lampai mange ri Bersyeba untu' anynyomba. Teako boyaiA' ri Betel, nasaba' lalanynyaki Betel. Tea tongko a'lampai mange ri Gilgal, nasaba' pandudu'na anjo kotaya laniengkaki mange ri pammelakkanga.”

AMOS 7:13

Tea' mako akkato'bai pole ri Betel. Anne kotaya nisa'laki untu' kalenna karaenga, siagang tampa' ibadana sikontu ra'yaka!”

AMOS 8:14

Sikamma tau assumpaya lanri barhala Samaria angkana, ‘Lanri rewatana bansa Dan’ yareka ‘Lanri rewatana Bersyeba’ – latu'guru' kabusuki siagang tambangungami pole.”

PAOLE 34:1

Nampa a'lampamo Musa ambokoi lappara'na Moab siagang angngambi' ri Moncong Nebo, ri coppo'na Pisga irayanganna Yerikho. Anjoreng Napappicinikammi Batara mae ri ia sikontu anjo pa'rasanganga, iamintu: Daera Gilead sa'genna wara' ri kota Dan;

YOSUA 7:2

Anjo wattua nia' siapa are tau nasuro Yosua battu ri Yerikho mange ri kota Ai, iamintu se'rea kota irayanganna Betel, ri ampi'na Bet-Awen. Anjo sikammaya tau nisarei tugasa' untu' a'lampa ansalidiki anjo daeraya. Le'ba'na nagaukang ke'nanga anjo tugasaka,

HAKING-HAKING 18:26

Le'baki akkana kamma anjo suku Dan, napatulusu'mi ke'nanga lampana. Naciniki Mikha angkanaya kassakangngangi anjo ke'nanga na kalenna, jari nagilimmi kalenna nampa ammotere'.

HAKING-HAKING 20:1

Jari battumi sikontu umma' Israel, battu ri Dan bageang wara' sa'genna Bersyeba bageang timboro', na Gilead bageang iraya untu' ambantui anjo pakkioka. A'rappummi siagang asse'remi ke'nanga ri Mizpa ri dallekanNa Batara.