1 KARAENG-KARAENG 12:20 - KITTA' MATANGKASA'

²⁰ Ri wattu nalangngere'na sikontu ra'ya' Israel angkanaya ammotere'mi Yerobeam battu ri Mesir, naundammi ke'nanga Yerobeam mae ri se'reang tampa' pa'rappungang nampa naangka' ke'nanga anjo Yerobeam a'jari karaeng Israel. Ra'ya' suku Yehuda mami bawang amminawang ri turunganna Daud.

1 KARAENG-KARAENG 12:20 ပူးပေါင်းရင်းမြစ်များ

2 SAMUEL 20:2

Nampa a'lampamo anjo tu Israelka ambokoi Daud namminawang ri Seba. Mingka tu Yehuda tulusu' amminawangi ri Daud battu ri Binanga Yordan sa'genna ri Yerusalem.

1 KARAENG-KARAENG 11:13

Mingka tena nasikontu anjo kakaraenganga laKurampasa' battu ri ia. Lanri atangKu Daud, siagang lanri Yerusalem anjo kotaKu le'baka Kubangung, nia' se're suku laKupatassesa untu' ana' bura'nenu.”

1 KARAENG-KARAENG 11:26

Tau maraenga, ia angngewayai Salomo, iamintu sitau pagawena niarenga Yerobeam. Ia ana'na Nebat battu ri Zereda ri Efraim. Amma'na jandami, niarenga Zerua.

1 KARAENG-KARAENG 11:32

Se're suku lammantang ri Salomo, lanri atangKu Daud, siagang lanri Yerusalem, ia le'baka Kupile battu ri sikontu pa'rasangang Israel a'jari kotaKu.

1 KARAENG-KARAENG 11:35

Anne kakaraenganga laKuallei battu ri ana' bura'nena Salomo sampulo suku nampa Kupassareang mae ri kau.

1 KARAENG-KARAENG 11:36

Mingka se're suku laKulappassangi ri ia, sollanna tuli nia' sitau battu ri turunganna atangKu Daud ammarenta untu' iNakke ri Yerusalem, kota le'baka Kupile a'jari tampa' passambayangang mae ri Nakke.

1 KARAENG-KARAENG 11:37

Nampa ikau Yerobeam, laKupa'jariko karaeng ri Israel siagang laKupa'biangko ammarenta ri sikontu daera nukaerokia.

1 KARAENG-KARAENG 12:17

na'jari karaemmo Rehabeam poro ri daera Yehuda bawang.

2 KARAENG-KARAENG 17:21

Le'ba'na Nasa'la' Batara tu Israel battu ri tu Yehuda, naangka'mi tu Israel Yerobeam ana'na Nebat a'jari karaenna ke'nanga. Nampa naerammo Yerobeam anjo bansaya ambokoi Batara siagang anggaukangi dosa-dosa lompoa.

HOSEA 8:4

Ammilei ke'nanga karaeng natena nappitangara' mae ri Nakke. Angngangkaki pamimping natena napalaki passitujuangKu. Naallei bulaenna siagang pera'na ke'nanga nampa appare' patung barhala angngeranga kaancurang mae ri kalenna ke'nanga.

1 SAMUEL 10:24

Nampa nakanamo Samuel mae ri ra'yaka, “Iaminne tau nipilea ri Batara, tena sangkammanna ri katte ngaseng.” A'gora lompomi sikontu bansaya angkana, “Mattallasaki karaenga!”