1 KARAENG-KARAENG 12:16 - KITTA' MATANGKASA'

¹⁶ Nacini'na ra'yaka angkanaya tena naero' karaenga ampilangngeri pappala'na ke'nanga, ammarrammi ke'nanga angkana, “Apa paralluna nipaduli Daud siagang turunganna! Tena apa-apa le'ba' nagaukang ke'nanga untu' ikatte. Ikau ra'ya' Israel umba kimmotere'. Lappassammi anjo Rehabeam naurusu' kalenna!” Jari ammotere'mi ra'ya' Israel,

1 KARAENG-KARAENG 12:16 ပူးပေါင်းရင်းမြစ်များ

2 SAMUEL 15:13

Nampa nia'mo sitau angngerang kabara' siagang a'laporo' mae ri Daud angkana, “Sikamma tu Israel agang maemi ri Absalom.”

2 SAMUEL 16:11

Nampa nakanamo pole Daud ri Abisai siagang sikontu atanna, “Ana' kalengku appattujuang ero' ambunoa'; angngapa nulannasa' ngaseng anciniki panggaukanna anne tu Benyamin? Batara ansuroi antunraia'; lanri kammana teako apa-apai siagang lappassammi nanatunraia'.

2 SAMUEL 20:1

Ri kota Gilgal nia' sitau apparicu niareng Seba. Anjo taua ana'na Bikri, battu ri suku Benyamin. Ri wattunna battu Daud siagang sikamma tau naaganga a'rurung, appasa'rami tarompe' Seba nampa ammarrang angkana, “Tena passisambunganta siagang Daud. Apa saba'na kilamminawang mae ri ia? He tu Israel, umba kimmotere' ngaseng!”

1 KARAENG-KARAENG 11:11

Nakana Batara, “Nasaba' lalang sadara'nu nanudakkai parjanjiannu siagang iNakke, siagang tena numannuruki ri parenta-parentaKu, jari laKurampasaki kakaraenganga battu ri kau, nampa Kupassareang mae ri sitau pagawenu.

1 KARAENG-KARAENG 11:13

Mingka tena nasikontu anjo kakaraenganga laKurampasa' battu ri ia. Lanri atangKu Daud, siagang lanri Yerusalem anjo kotaKu le'baka Kubangung, nia' se're suku laKupatassesa untu' ana' bura'nenu.”

1 KARAENG-KARAENG 11:34

Mingka manna nakamma tena nalaKualle ngaseng sikontu anjo kakaraenganga battu ri ia. LaKulappassangi koasa lalang tallasa'na. Kugaukangi anjo kammaya lanri atangKu Daud, le'baka Kupile, siagang mannurukia ri hukkung-hukkungKu siagang parenta-parentaKu.

1 KARAENG-KARAENG 11:35

Anne kakaraenganga laKuallei battu ri ana' bura'nena Salomo sampulo suku nampa Kupassareang mae ri kau.

1 KARAENG-KARAENG 11:36

Mingka se're suku laKulappassangi ri ia, sollanna tuli nia' sitau battu ri turunganna atangKu Daud ammarenta untu' iNakke ri Yerusalem, kota le'baka Kupile a'jari tampa' passambayangang mae ri Nakke.

1 KARAENG-KARAENG 11:39

Lanri dorakai Salomo, laKuhukkungi turunganna Daud, mingka tena nasa'genna satunggu-tungguna.’ ”

1 KARAENG-KARAENG 22:17

Appialimi Mikha angkana, “Kuciniki tantara Israel tassiara' tena silolongang ri moncong-monconga. Sanrapangi ke'nanga gimbala' tenaya pakalawakinna, siagang Nakana Batara ri sesena ke'nanga, ‘Anne taua ngaseng tena pamimpinna. Lappassammi ammotere' ke'nanga siagang salama'.’ ”

1 KARAENG-KARAENG 22:36

La'birinnamo labu alloa, niparentakammi sikontu pasukang Israel ammotere' ri kotaya siagang massing mange ri daerana,

2 PATTOTTORANG 10:16

Nalangngere'na ra'yaka angkanaya taerokai Karaeng Rehabeam ampilangngeri pappala'na ke'nanga, a'gorami ke'nanga angkana, “Angngapa nalanijampangi Daud siagang jari-jarina! Tena apa-apa kabajikang le'ba' nagaukang mae ri katte. Umba ikatte ra'ya' Israel nakiammotere'! Lappassang tommi anjo Rehabeam nanaurusuki kalenna!” Jari ammotere'mi ra'ya' Israel,

PAMMUJI 132:17

Anrinni sitau turunganna Daud Kupa'jari karaeng; laKupakajarreki pamarentahanna.

PAMMUJI 76:10

Ri wattunTa ammenteng ero' angngadeli untu' ampasalamaki tau nijallakkanga ri lino.

PANGNGEBARANG 15:1

Pappiali lammaya, ampa'jari naungi larroa; pappiali passea appaumbai larro.

YESAYA 7:17

LaNapabattui Batara karaeng Asyur, nampa ikau siagang sikontu kaluarganu, kammayatompa ra'ya'nu, lanakasiaki allo-allo kasessang la'bi hebakkangngang nale'baka nukasia' baku' le'ba'na ta'bage kakaraengang Israel siagang Yehuda.

YESAYA 7:2

Nalangngere'na karaeng Yehuda angkanaya antamami pasukang Siria a'jari agang ri daerana Israel, a'jari sanna'mi malla'na siagang bansana, sa'genna annekkere' rapang poko' kayu nige'gosoka ri anging.

YEREMIA 33:21

Kammatommi anjo le'ba' tommA' anynyikko' parjanjiang siagang atangKu Daud, angkanaya battu ri jari-jarina tuli lania' tassitau a'jari karaeng; siagang le'ba'Ma' anynyikko' parjanjiang siagang imang-imang jari-jarina Lewi angkanaya ia ke'nanga tuli lallayaniA'. Anjo parjanjiang-parjanjianga takkulleai nikaluppai.

YEHEZKIEL 37:16

“He tau, angngalleko se're takkang siagang tulisiki anne kana-kanaya anjoreng, ‘Kakaraengang Yehuda’. Nampa angngalleko se're takkang maraeng, siagang tulisiki anjoreng, ‘Kakaraengang Israel’.

MARKUS 3:24

Punna nia' se're bansa, nata'bage-bage taunna nampa assimusu-musu para ia, antekamma lakkulle attahang ammenteng pamarentana anjo bansaya.

LUKAS 19:14

Mingka sanna' nikabirisinna ri tuma'buttana anjo pa'rasanganga. Jari ri wattunna a'lampamo anjo tu nipakala'birika, nia'mo nasuro ke'nanga mange ampaui angkanaya teami ke'nanga angkaraengangi anjo karaenga.

LUKAS 19:27

Na kamma-kamma anne erang ngasemmi mae sikamma tau ammusua', iamintu tau tenaya naero' akkaraeng ri nakke. Buno ngasengi ke'nanga ri dallekangku!’ ”

YOHANES 13:8

Nakanamo Petrus, “TeaKi' Batara; tea laloKi' bissai bangkengku!” Mingka appialimi Isa Nakana, “Punna tena naKubissaiangko bangkennu, tena passisambungannu siagang iNakke.”

HAKING-HAKING 8:35

Tena tommo nau'rangi bija-bijanna Gideon lanri jasa-jasana Gideon mae ri umma' Israel.

HAKING-HAKING 9:28

“Inaiki' anne nakimusti tundu' mae ri Abimelekh?” Nakanamo Gaal, “Inai tau anjo sitojenna? Sai ana'na Gideon, siaganga Zebul a'jari atai mae ri Hemor, manggena Sikhem, boe-boeta!”