1 KARAENG-KARAENG 12:15 - KITTA' MATANGKASA'

¹⁵ Tena najampangi pappala'na ra'yaka. Mingka anjo memang ero'Na Batara. Apa le'baka Napau Batara tete ri Na'bi Ahia battu ri Silo ri passala'na Yerobeam ana'na Nebat, musti kajariangi.

1 KARAENG-KARAENG 12:15 ပူးပေါင်းရင်းမြစ်များ

PA'JARIANG 24:50

Appialimi Laban siagang Betuel angkana, “Lanri anne apa kajarianga battui ri Batara, tena nasiratang ikambe antappuki.

2 SAMUEL 17:14

Nalangngere'na anjo, nakanamo Absalom siagang sikontu tu Israel, “Anjo kana pangngunju'na Husai bajikangngangi nakana pangngunju'na Ahitofel.” Memang, Batara le'ba' ampattantui laNahalangi anjo kana pangngunju' baji'na Ahitofel, sollanna nituju Absalom ri bala lompo.

1 KARAENG-KARAENG 11:11

Nakana Batara, “Nasaba' lalang sadara'nu nanudakkai parjanjiannu siagang iNakke, siagang tena numannuruki ri parenta-parentaKu, jari laKurampasaki kakaraenganga battu ri kau, nampa Kupassareang mae ri sitau pagawenu.

1 KARAENG-KARAENG 12:24

angkanaya, “Teako bunduki anjo sari'battannu Israel. Ammotere' mako! Anjo apa le'baka kajariang, anjo erokKu.” Jari naturukimi ke'nanga parentaNa Batara, nampa massing ammotere'mo ke'nanga mae ri balla'na.

1 KARAENG-KARAENG 22:23

Nampa nakana pole Mikha, “Jari iaminjo kajarianga! Nipa'jari a'balle-balle ngasemmi ri Batara anjo na'bi-na'bita, nasaba' le'ba'mi Napattantu Batara angkana laNapitujuiki' bala!”

2 KARAENG-KARAENG 10:10

Iaminne buttina angkanaya sikontu apa le'baka Napau Batara ri passala'na ana' cucunna Ahab lakajariang kabusuki. Nagaukammi Batara apa le'baka Napau tete ri atanNa iamintu Elia.”

2 KARAENG-KARAENG 9:36

Le'ba'na nilaporo' anjo passalaka mae ri Yehu, nakanamo Yehu, “Anne kammaya le'ba'mi Natappu riolo Batara, ri wattunna akkana kamma anne tete ri Elia atanna: ‘Maya'na Izebel lanikanrei ri kongkong ri daera Yizreel,

2 PATTOTTORANG 10:15

Tena najampangi anjo pappala'na ra'yaka. Mingka memang anjo ero'Na Karaeng Allata'ala. Anjo apa le'baka Napau Batara tete ri Na'bi Ahia battu ri Silo musti a'rupai.

2 PATTOTTORANG 22:7

Le'baki Napattantu Allata'ala angkanaya lanarapiki a'jala'na Ahazia ri wattunna a'lampa angkunjungi Yoram. Anjo ri wattu a'lampana Ahazia angkunjungi Yoram, nia'mo sitau angngewai ke'nanga, iamintu tuniarenga Yehu ana' bura'nena Nimsi, le'baka nipile ri Batara untu' angngancuruki kaluargana Karaeng Ahab.

2 PATTOTTORANG 25:16

Nakanamo Amazia, “Tongkoki bawanu! Punna tena kubunokontu! Tena le'bakaki' anne angngangkakko a'jari guru mae ri karaenga!” Jari a'merekimi anjo na'bia. Mingka rioloanganna anggappai kasampatang angkana, “Kamma-kamma anne kuassemmi angkanaya le'ba'mi Napattantu Allata'ala angkanaya laNaancurukki' lanri anjo panggaukanta, siagang lanri tenana kijampangi pappakaingakku.”

2 PATTOTTORANG 25:20

Mingka anjo Amazia karaeng Yehuda, tena najampangi kana-kananna Yoas karaeng Israel. Siagang Nakaerokang memang tongi Allata'ala sollanna nibeta Amazia lanri le'ba'namo anynyomba ri patung barhalana tu Edom.

PAMMUJI 5:10

Saba' kana-kananna musungku takkulleai nipatappa'; sangnging rancana ja'dala' rassi ri atinna ke'nanga. Angngontaki kana-kana mate'nena ke'nanga, mingka atinna ke'nanga rassi apa-apa botto'.

DANIEL 4:35

Bansa-bansaya ri lino tena anggaranna. Allata'ala makoasa mae ri malaekaka ri suruga siagang pandudu'na buttaya. Tena manna sitau akkulle ambaliangi ero'Na, tena barani ampakuta'nangngangi apa Nagaukanga.”

AMOS 3:6

Maka latena nannekkere' tau ri kotaya punna nalangngere' sa'ra tarompe' tanra pa'bundukanga? Maka akkullei natuju bala se'rea kota, punna tena Napabattui Batara?

LAMPA-LAMPANA 2:23

Situru' ero' KalenNa, Natappukimi Allata'ala laNapassareang Isa Almasi mae ri kau ngaseng. Na ri wattunna nipassareang mae ri kau ngaseng, nuallemi nubuno, lanri nubalang parekanna nisalli' ri tau ja'dalaka.

LAMPA-LAMPANA 3:17

Sikamma sari'battangku ngaseng! Kamma-kamma anne kuassemmi angkanaya anjo apa nugaukanga siagang pamimping-pamimpinnu mae ri Isa, apa tena ngaseng nanupahangi nanugaukangi.

LAMPA-LAMPANA 4:28

Asse'remi ke'nanga ero' a'gau' sangka' rupa, situru' apa le'baka Kipattantu angkanaya lakajariang memangi anjo kammaya. Na lanri koasa KalenTa siagang ero' KalenTa naKipattantu anjo apa lakajarianga.

PAOLE 2:30

Mingka tena napa'biangki' Karaeng Sihon ammalo ri anjo pa'rasanganna. Nipa'jari kapala batumi ri Karaeng Allata'alanu siagang nakellai duduki' ambetai anjo Karaeng Sihon. Sa'genna kamma-kamma anne nipammantangngi iji daerana.

HAKING-HAKING 14:4

Tanaassengai tau toana Simson angkana Batara ampagioki Simson na nagaukang anjo kammaya. Nasaba', a'boyai kasampatang Batara untu' ambunduki tu Filistin. Anjo wattua, nikoasai tu Israelka ri tu Filistin.

1 SAMUEL 15:29

Allata'alana Israel Ia Mala'birika tena Na'balle-balle, siagang tena todong naNapinrai pikkiranNa, lanri Ia teai rupatau.”