1 KARAENG-KARAENG 11:6 - KITTA' MATANGKASA'

⁶ Kammaminjo nadorakamo Salomo mae ri Batara. Daud, manggena Salomo mannuruki ri Batara situlusu' atinna, mingka Salomo tena nakamma.

1 KARAENG-KARAENG 11:6 ပူးပေါင်းရင်းမြစ်များ

1 KARAENG-KARAENG 11:33

LaKugaukangi anjo kammaya lanri nabokoiMa' Salomo nampa anynyomba ri rewata-rewataya, iamintu: Asytoret, rewata baine battu ri Sidon; Kamos, rewata bansa Moab, siagang Milkom, rewata bansa Amon. Tena naturuki Salomo erokKu. Tena nasangkamma Daud manggena mannurukia ri Nakke siagang anggaukangai parenta-parentaKu.

1 KARAENG-KARAENG 11:5

Salomo anynyombai Asytoret, rewata baine battu ri Amon.

1 KARAENG-KARAENG 11:7

Irate ri moncong ri bageang rayanganna Yerusalem, appaentengi tampa' panynyombang untu' Kamos rewatana tu Moab, siagang Molokh, rewatana tu Amon – rua-ruai rewata appakaringi'-ringi'.

1 KARAENG-KARAENG 3:3

Salomo mangngamaseangi ri Batara siagang mannuruki ri pitunju'-pitunju' battua ri manggena. Mingka tuli anynyamballe iji siagang assare iji koro'bang olo'-olo' ri tampa' a'rupa-rupaya.

1 KARAENG-KARAENG 9:4

Punna anynyombako ri Nakke situlusu'na pa'mai'nu siagang malambusu' pa'mai' sangkamma manggenu Daud, siagang nuturuki hukkung-hukkungKu kammayatompa parenta-parentaKu,

PAMMILANGNGANG 14:24

Mingka tena nakamma anjo mae ri atangKu Kaleb. Ia tena mamminrana mae ri Nakke. Lanri kammana anjo laKuerangi mange anjoreng ri pa'rasangang le'baka napantamakki. Kamma-kamma anne tu Amalek siagang tu Kanaan ammantang ri anjo lapparaka. Mingka anjo daeraya la'jari napatangi jari-jarina Kaleb, anjo atangKu. Ammuko musti ammoterekko siagang a'lampako mange ri parang lompoa mangea ri biring Tamparang Akaba.”

YOSUA 14:14

Sa'genna kamma-kamma anne anjo kotaya tuli a'jarina pisakana jari-jarina Kaleb ana'na Yefune, tu Kenas, lanri tuli majarre'na siagang mannurukinna mae ri Batara, Allata'alana Israel.

YOSUA 14:8

Sikamma tau kuaganga a'lampa, napakamalla'-mallaki umma' Israel. Mingka inakke tuli majarreka' mannuruki ri Karaeng Allata'alaku.