1 KARAENG-KARAENG 11:43 - KITTA' MATANGKASA'

⁴³ Nampa mate siagang nitarawang ri Kota Daud. Nampa Rehabeam ana'na ansambeangi a'jari karaeng.

1 KARAENG-KARAENG 11:43 ပူးပေါင်းရင်းမြစ်များ

1 KARAENG-KARAENG 1:21

Punna tena kissare kaputusang, ma'nassa punna mateki', inakke siagang anakku lanipare' kammama' musu.”

1 KARAENG-KARAENG 14:31

Nampa matemo Rehabeam siagang nitarawang ri jera'na sikamma karaenga ri Kota Daud. Abiam, iamintu ana' bura'nena, ansambeangi a'jari karaeng.

1 KARAENG-KARAENG 15:24

Matei nanitarawang ri jera'na karaeng-karaenga ri Kota Daud. Nampa Yosafat, ana' bura'nena, ansambeangi a'jari karaeng.

1 KARAENG-KARAENG 15:8

Mate tommi Abiam na nitarawang ri Kota Daud. Asa ana'na ansambeangi a'jari karaeng.

1 KARAENG-KARAENG 2:10

Nampa matemo Daud, na nitarawang ri Kota Daud.

1 KARAENG-KARAENG 22:40

Le'ba'namo mate Ahab, Ahazia ana'na ansambeangi a'jari karaeng.

2 KARAENG-KARAENG 16:20

Matemi siagang nitarawammi Ahas ri pa'jerakkanna sikamma karaenga ri Kota Daud. Nampa nisambeang ri ana'na niarenga Hizkia a'jari karaeng.

2 KARAENG-KARAENG 20:21

Matemi Hizkia, nampa ana'na niarenga Manasye ansambeangi a'jari karaeng.

2 KARAENG-KARAENG 21:18

Matemi siagang nitarawammi Manasye ri koko balla' karaenga, iamintu koko Uza. Nampa ana' bura'nena niarenga Amon ansambeangi a'jari karaeng.

2 KARAENG-KARAENG 21:26

Nitarawangi Amon ri pa'jerakkang niaka ri koko Uza. Nampa Yosia ana'na ansambeangi a'jari karaeng.

1 PATTOTTORANG 3:10

Ia pattottoranna sikamma karaeng Israel battua ri Salomo sa'genna Yosia, iamintu: Salomo, Rehabeam, Abiam, Asa, Yosafat, Yehoram, Ahazia, Yoas, Amazia, Uzia, Yotam, Ahas, Hizkia, Manasye, Amon, siagang Yosia.

2 PATTOTTORANG 13:7

Appasse'rei sipa'gompoang tau kurangajara' nampa ero' napassakang ero'na mae ri Rehabeam ana' bura'nena Salomo, rungka dudua anjo wattua siagang tenayapa pangalamanna untu' angngewa.

2 PATTOTTORANG 21:20

Tena manna sitau ampassayangi anjo kamateanna. Nitarawangi ri Kota Daud, mingka tena nalalang ri pa'jerakkanna sikamma karaenga. Ri wattunna a'jari Karaeng Yehoram 32 taung umuru'na, siagang ammarentai 8 taung sallona ri Yerusalem.

2 PATTOTTORANG 26:23

Ri wattuna mate, nitarawangi Usia ri ampi'na pa'jerakkanna sikamma karaenga, mingka tena nanjoreng kalenna, lanri natabana garring kodi. Nampa ana' bura'nena niarenga Yotam ansambeangi a'jari karaeng.

2 PATTOTTORANG 28:27

Matemi Ahas, na nitarawang ri Yerusalem; mingka tena nanjoreng ri jera'na sikamma karaenga. Ana' bura'nena niarenga Hizkia ansambeangi a'jari karaeng.

2 PATTOTTORANG 9:30

Sallona ammarenta Karaeng Salomo iamintu 40 taung; anjorengi ri Yerusalem ammarenta mae ri sikontu Israel.

2 PATTOTTORANG 9:31

Nampa mate siagang nitarawang ri Kota Daud. Nampa ana'na niarenga Rehabeam ansambeangi a'jari karaeng.

KATO'BA 2:19

Nampa inai akkulle angngassengi angkanaya cara'deki yareka toloi kalenna? Mingka manna antekamma iami lampatangi sikamma wassele' usahaku, ia kugappaya lalang tallasakku ri anne linoa, lanri akkaresoku siagang lanri kacara'dekangku. Jari, anjo sia-sia tonji.

YEREMIA 22:19

Lanire'resangi Yoyakim nampa nipasambila assulu' battu ri pakke'bu' lompona Yerusalem, sangkamma nagaukanga taua mae ri keledai matea.”

PAOLE 31:16

Nakana Batara mae ri Musa, “A'reppese'mi a'jala'nu. Punna a'boko mako, lamamminrami nyawana bansa Israel mae ri Nakke siagang takkaluppami ri parjanjiang Kupareka siagang ke'nanga. LanabokoiA' ke'nanga untu' a'lampa mange anynyomba ri rewata-rewata nisombaya ri pa'rasangang tenayamo nasallo nanupantamakki.