1 KARAENG-KARAENG 11:38 - KITTA' MATANGKASA'

³⁸ Punna ikau, sangkamma atangKu Daud, mannuruki tojeng-tojengko ri hukkung-hukkungKu, siagang nupakasannang atingKu, iamintu nugaukangi sikontu apa Kuparentakanga ri kau, tuli laKururungangko. LaKupa'jariko karaeng Israel. LaKutanggongi angkanaya turungannu la'jari karaeng ansambeangko, kamma le'baka Kugaukang mae ri Daud.

1 KARAENG-KARAENG 11:38 ပူးပေါင်းရင်းမြစ်များ

2 SAMUEL 7:16

Tuli lania'na jari-jarinu, siagang laKupa'jari kakaraengannu attahang sa'genna satunggu-tungguna. Nia' sitau jari-jarinu lammarenta salaku karaeng sa'genna satunggu-tungguna.’ ”

1 KARAENG-KARAENG 11:37

Nampa ikau Yerobeam, laKupa'jariko karaeng ri Israel siagang laKupa'biangko ammarenta ri sikontu daera nukaerokia.

1 KARAENG-KARAENG 11:39

Lanri dorakai Salomo, laKuhukkungi turunganna Daud, mingka tena nasa'genna satunggu-tungguna.’ ”

1 KARAENG-KARAENG 11:4

sa'genna ri wattu toana akkullemi ninyonyo' ri ke'nanga anynyomba ri rewata-rewata maraenga. Daud, manggena Salomo, majarreki mae ri Batara, Allata'alana. Mingka Salomo tena nasangkamma manggena.

1 KARAENG-KARAENG 3:14

Na punna ikau, sangkamma Daud manggenu riolo, nuturukiA' siagang nupinawangi hukkung-hukkungKu, laKusareko umuru' sallo.”

1 KARAENG-KARAENG 6:12

“Punna nuturuki sikontu hukkungKu siagang parentaKu, laKupa'rupai mae ri kau apa le'baka Kupa'janjiang mae ri Daud manggenu.

KALAPPASSANG 19:5

Kamma-kamma anne punna mannurukiko mae ri Nakke siagang majarrekko ri parjanjiangKu, laKupa'jariko umma' KalengKu. Sikontu buttaya ikau ampatangi, mingka ikau la'jariko umma' nikarimangngingKu,

ZAKHARIA 3:7

“Punna mannurukiko ri hukkung-hukkungKu siagang nugakang sikamma tugasa' Kupassareanga mae ri kau, situlusu'nu lakkulle a'jari pamimping ilalang ri Ballakku siagang angngurusuki paranglakkenna. LaKupilangngeri sikamma pappala' doannu, sangkamma Kupilangngerinna pappala' doanna sikamma malaeka' niaka ri ampikKu.

PAOLE 12:25

Punna nuturuki anjo parentaya, lasannangi pa'mai'Na Batara, siagang ikau kammayatompa jari-jarinu lasalewangangko.

PAOLE 15:5

assala' mannurukiko mae ri Karaeng Allata'alanu, siagang nugaukang baji' sikontu apa kuparentakanga mae ri kau anne alloa.

PAOLE 31:8

KalenNa Batara angnguluko siagang antulungko. Tena nalaNapassalasako siagang tena nalaNabokoiko. Lanri kammana anjo, teako mallakki siagang teako lussakki.”

YOSUA 1:5

Manna sitau tania' lakkulle ambetako, Yosua, lalang tallasa'nu. Nasaba' iNakke latuli anrurungangko ri sa'rinnu sangkamma riolo iNakke anrurungangi Musa ri sa'rinna. Tena nalaKubokoiko.

1 SAMUEL 2:35

Nampa laKupilei imang tamamminraya mae ri Nakke, siagang eroka anggaukangi apa Kuparentakanga mae ri ia. LaKusarei turungang tuli latugasaka salaku imang ri dallekanna sikamma karaeng laKupilea.