1 KARAENG-KARAENG 11:31 - KITTA' MATANGKASA'

³¹ Nampa nakanamo ri Yerobeam, “Allei sampulo polong untu' kalennu, nasaba' Nakana Batara, Allata'alana Israel ri kau, ‘LaKurampasaki anne kakaraenganga battu ri Salomo, nampa Kupassareang sampulo suku mae ri kau.

1 KARAENG-KARAENG 11:31 ပူးပေါင်းရင်းမြစ်များ

2 SAMUEL 19:43

Appialimi tu Israel angkana, “Ha'na ikambe mae ri karaenga a'lappi sampuloi lompona naha'nu ngaseng, manna pole nanusibija anjo karaenga. Angngapa nanucini' rawa kamma anne ikambe? Teako kaluppai angkanaya ikambemi uru-uru angngussuluki sollanna ia a'jari karaeng ammotere'!” Mingka la'bi terassangngangi nyawana tu Yehuda na tu Israel siagang taerokai nibeta ke'nanga.

1 KARAENG-KARAENG 12:15

Tena najampangi pappala'na ra'yaka. Mingka anjo memang ero'Na Batara. Apa le'baka Napau Batara tete ri Na'bi Ahia battu ri Silo ri passala'na Yerobeam ana'na Nebat, musti kajariangi.

1 KARAENG-KARAENG 14:2

Nakanamo Yerobeam ri bainenna, “Sadia-sadiako untu' a'lampa mange ri Silo ri balla'na Na'bi Ahia, angkanaya riolo la'jari karaenga' ri Israel. Mingka ammakeang palusukko sollanna tena naassengko taua.

1 KARAENG-KARAENG 14:8

Le'ba' mako Kusare kakaraengang le'baka Kurampasa' battu ri turunganna Daud. Mingka tena nusangkamma atangKu Daud. Ia tena tojeng pamminrana ri Nakke siagang mannuruki ri parentaKu. Ia bawang nagaukang apa Kusitujuia.

2 KARAENG-KARAENG 17:21

Le'ba'na Nasa'la' Batara tu Israel battu ri tu Yehuda, naangka'mi tu Israel Yerobeam ana'na Nebat a'jari karaenna ke'nanga. Nampa naerammo Yerobeam anjo bansaya ambokoi Batara siagang anggaukangi dosa-dosa lompoa.

2 PATTOTTORANG 10:15

Tena najampangi anjo pappala'na ra'yaka. Mingka memang anjo ero'Na Karaeng Allata'ala. Anjo apa le'baka Napau Batara tete ri Na'bi Ahia battu ri Silo musti a'rupai.

1 SAMUEL 15:27

Nampa a'bokomo Samuel ero' a'lampa. Mingka nitahangi ri Saul nanata'gala' jubana, sa'genna kekke'mo jubana Samuel.

1 SAMUEL 15:28

Nakanamo Samuel ri ia, “Anne alloa Nakekke'mi Batara kakaraenganna Israel battu ri katte, nampa Napassareang mae ri tau maraenga, ia bajikangnganga naikatte.