1 KARAENG-KARAENG 11:23 - KITTA' MATANGKASA'

²³ Napa'jari tommi Allata'ala anjo Rezon, ana'na Elyada ammusui Salomo. Rezon iamintu ata laria battu ri karaenna iamintu Karaeng Hadadezer battu ri Zoba.

1 KARAENG-KARAENG 11:23 ပူးပေါင်းရင်းမြစ်များ

2 SAMUEL 10:8

Assulu'mi tu Amon siagang naatoro'mi barisanna ri dallekang pakke'bu' lompona Raba ibukotana pa'rasanganna ke'nanga; nampa tu Siria, tu Tob siagang Maakha naatoroki barisanna ke'nanga ri paranga.

2 SAMUEL 16:11

Nampa nakanamo pole Daud ri Abisai siagang sikontu atanna, “Ana' kalengku appattujuang ero' ambunoa'; angngapa nulannasa' ngaseng anciniki panggaukanna anne tu Benyamin? Batara ansuroi antunraia'; lanri kammana teako apa-apai siagang lappassammi nanatunraia'.

2 SAMUEL 8:3

Nampa nabeta Daud Karaeng Hadadezer ana'na Rehobot ammarentaya ri Zoba, iamintu se're kakaraengang ri ampi'na kota Damsyik. Anjo wattua sitabangi lalang jappana Hadadezer ero' ampakajarreki ammotere' kakoasanna mae ri daera niaka ri ampi'na ulunna Binanga Efrat.

2 SAMUEL 8:5

Tu Siria battua ri Damsyik akkiringi tantara untu' ambantui Karaeng Hadadezer. Mingka nabetai Daud ke'nanga siagang nabunoi nia' 22.000 jaina tau battu ri ke'nanga.

2 SAMUEL 8:8

Pantaranganna anjo jai sikali todong tambaga naalle Daud battu ri Betah siagang Berotai, iamintu kota-kota nakoasaia Hadadezer riolo.

1 KARAENG-KARAENG 11:14

Napa'jarimi Batara anjo Hadad, sitau turungang karaeng Edom, ammusui Karaeng Salomo.

1 KARAENG-KARAENG 11:22

Akkuta'nammi karaenga angkana, “Angngapai? Apaka kakurangangko anrinni, sa'gennu ero' ammotere' mange ri pa'rasangannu?” Appialimi Hadad angkana, “Tena nakukakurangang apa-apa, mingka lappassamma' a'lampa.” Jari ammotere'mi mange ri pa'rasanganna.

1 KARAENG-KARAENG 15:18

Lanri kammana Karaeng Asa naalle ngasengi sikontu bulaenga siagang peraka ia niaka ija ri Balla'Na Batara siagang ri balla' kakaraenganga, nampa nakiring mange ri Damsyik, ri Karaeng Benhadad ri Siria, ana'na Tabrimon cucunna Hezion. Anjo barang-baranga nakiringi siagang nasuro erangi ri siapa are pagawena balla' kakaraenganga, nampa akkiring pasang angkana,

1 PATTOTTORANG 19:6

Nampa naassemmo kalenna Karaeng Hanun siagang tu Amon angkanaya passala' panggaukanna ke'nanga nanimusu ke'nanga ri Daud. Lanri kammana anjo akkirimmi ke'nanga 34.000 kilo battala'na pera' mange ri Mesopotamia Bageang Rate, kammayatompa mange ri Maakha siagang Zoba ri Siria untu' assewa 32.000 kareta pa'bundukang siagang tantara a'jarang. Jari battumi tantarana Maakha siagang sikamma anjo kareta pa'bundukang nisewaya, nampa appare' kema ri ampi'na Medeba. Kammayatompa tu Amon, battu ngaseng tommi ke'nanga battu ri kota-kotana ke'nanga untu' a'bundu'.

EZRA 1:1

Ri taung makase're ammarenta Kores, karaeng Persia, Narupaimi Batara apa le'baka Napau tete ri Na'bi Yeremia. Napagio'mi Batara nyawana Kores untu' appasulu' se're parenta, nibacaya ri sikontu kakaraenganna. Ia bonena anjo sura' parentaya iamintu:

PAMMUJI 60:1

Untu' pamimping pakelong. Situru' lagu: Bunga bakung kasa'biang. Kelong pangngajara' battu ri Daud,

YESAYA 13:17

Nakana Batara, “LaKupagioki bansa Madai untu' ambunduki Babel. Takkulleai ke'nanga nibuccu' siagang pera' yareka bulaeng.

YESAYA 37:26

Tale'bakapi nulangngere' angkanaya yangasenna anjo apa le'baka kajariang apa le'ba' memammo Kurancana battu riolo? Nampa kamma-kamma anne iNakke anggaukangi. INakke assareko koasa untu' angngancuruki kota-kota niaka pattahanganna a'jari rumbangang.

YESAYA 45:5

INakkemi Batara, tena pantaranganna, iNakke Allata'ala Kaminang Se're-se'rea. Le'ba' mako Kusare sanjata, manna natena nuassengA'.

YEHEZKIEL 38:16

Nampa nubunduki ummakKu Israel rapang anging lompo antujui buttaya. Punna narapi' sallang wattunna, laKukiringko mange angngempoi buttaKu. Lanri tindakangKu tete ri kau, he Gog, lanaassemMa' bansa-bansaya angkanaya inaiA' anne, iamintu Allata'ala matangkasaka.