1 KARAENG-KARAENG 11:11 - KITTA' MATANGKASA'

¹¹ Nakana Batara, “Nasaba' lalang sadara'nu nanudakkai parjanjiannu siagang iNakke, siagang tena numannuruki ri parenta-parentaKu, jari laKurampasaki kakaraenganga battu ri kau, nampa Kupassareang mae ri sitau pagawenu.

1 KARAENG-KARAENG 11:11 ပူးပေါင်းရင်းမြစ်များ

1 KARAENG-KARAENG 11:12

Mingka manna nakamma, lanri manggenu Daud, tena nalaKugaukang anjo kammaya lalang attallasa'nu ija. Ri wattu pamarentahanna ana' bura'nenu, nampami Kugaukang.

1 KARAENG-KARAENG 11:26

Tau maraenga, ia angngewayai Salomo, iamintu sitau pagawena niarenga Yerobeam. Ia ana'na Nebat battu ri Zereda ri Efraim. Amma'na jandami, niarenga Zerua.

1 KARAENG-KARAENG 11:29

Ri se'reang allo assulukangi Yerobeam battu ri Yerusalem. Ri tangngana aganga iamintu ri paranga, nibattuimi ri Na'bi Ahia battu ri Silo ammakea juba beru anjo wattua.

1 KARAENG-KARAENG 11:31

Nampa nakanamo ri Yerobeam, “Allei sampulo polong untu' kalennu, nasaba' Nakana Batara, Allata'alana Israel ri kau, ‘LaKurampasaki anne kakaraenganga battu ri Salomo, nampa Kupassareang sampulo suku mae ri kau.

1 KARAENG-KARAENG 12:20

Ri wattu nalangngere'na sikontu ra'ya' Israel angkanaya ammotere'mi Yerobeam battu ri Mesir, naundammi ke'nanga Yerobeam mae ri se'reang tampa' pa'rappungang nampa naangka' ke'nanga anjo Yerobeam a'jari karaeng Israel. Ra'ya' suku Yehuda mami bawang amminawang ri turunganna Daud.

2 KARAENG-KARAENG 17:15

Taerokai tu Israel siagang tu Yehuda anturuki parenta-parentaNa Batara siagang tena namajarre' ri parjanjiang le'baka napare' siagang boe-boena ke'nanga. Tena najampangi sikamma pappakainga'Na, passangalinna anynyombai ke'nanga mae ri barhala-barhala tenaya matu-matunna, sa'genna manna kalenna ke'nanga tena tommo matu-matunna. Naturuki ke'nanga panggaukanna bansa-bansa niaka ri ampi'na ke'nanga, manna pole nale'ba'mo nipisangkai ke'nanga ri Batara.

2 KARAENG-KARAENG 17:21

Le'ba'na Nasa'la' Batara tu Israel battu ri tu Yehuda, naangka'mi tu Israel Yerobeam ana'na Nebat a'jari karaenna ke'nanga. Nampa naerammo Yerobeam anjo bansaya ambokoi Batara siagang anggaukangi dosa-dosa lompoa.

PAMMUJI 78:10

Nadakkai parjanjianna ke'nanga siagang Allata'ala, taerokai mannuruki ri hukkunNa.

PAMMILANGNGANG 14:23

Tena! Tena nalantama' ke'nanga ri anjo pa'rasanganga. Sikamma anjo tau angngewaya mae ri Nakke, tena manna sitau langngonjoki anjo pa'rasanganga.

PAMMILANGNGANG 14:35

AssumpA' angkanaya laKugaukangi anjo passalaka mae ri kau tau ja'dalaka, assikongkoloka untu' angngewA'. Lamate ngasengko anrinni ri parang lompoa. INakke, Batara, le'ba' angkanangi anne.’ ”