1 KARAENG-KARAENG 10:5 - KITTA' MATANGKASA'

⁵ cara-carana pagawena anjama-jama ri balla' kakaraenganga, pakeang sirupana ke'nanga, kammayatompa pa'ballakanna ke'nanga. Naciniki kanrea siagang je'ne' inung nipatalaya, cara-carana palayanga allayani ri passua'-suarranga, siagang koro'bang-koro'bang nipassareanga ri Salomo lalang ri Balla'Na Batara. Yangasenna anjo napakalannasa'mi siagang takkonta'mi nyawana anjo karaeng bainea battua ri pa'rasangang Syeba anciniki.

1 KARAENG-KARAENG 10:5 ပူးပေါင်းရင်းမြစ်များ

1 KARAENG-KARAENG 10:4

Jari nasa'bimi kalenna anjo karaeng bainea antekamma tinggina pangngassenganna Salomo. Naciniki balla' karaeng nabangunga Salomo,

1 KARAENG-KARAENG 10:6

Jari nakanamo ri Karaeng Salomo, “Sikontu kabara' kulangngereka ri pa'rasangangku ri sesena ikatte siagang kacara'dekanta, memang kammatojengi!

2 KARAENG-KARAENG 16:18

Nampa lanri ero'na naalle pa'mai'na karaeng Asyur, nabongkaraki kantoro'na karaenga ri Balla'Na Batara, siagang natongko' pakke'bu' oloanna karaenga.

1 PATTOTTORANG 26:16

Supim siagang Hosa anggappai pakke'bu' lompo bageang laukanga siagang pakke'bu' Syalekhet ia niaka ri oloang pangngambikanga. Ia tugasa' pangawalaka niatoro' kammai anjo sa'genna tuli nia' a'jaga ri pakke'bu' lompoa.

1 PATTOTTORANG 9:18

Sa'genna anne alloa battu ri bija-bijannami anne ke'nanga nisare tugasa' anjagai Pakke'bu' Lompona Karaenga ri bageang rayaya. Riolo bija-bijanna ke'nanga nisarei tugasa' anjagai sikamma pakke'bu' lompo mangea ri pa'ballakkanna tu Lewi.

2 PATTOTTORANG 23:13

Naciniki anjo karaeng berua ammenteng ri pakke'bu' antamaya ri Balla'Na Batara, ri tampa'na nilanti' a'jari karaeng, nitammulili ri perwira-perwiraya siagang tau appasa'raya tarompe'. Sikontu ra'yaka akkio' rannu kabusuki nirurungang ri sa'ra tarompe' siagang ri pakarena musi' niaka ri Balla'Na Batara, untu' ampakasuaraki anjo gau' lompoa siagang pakkakasa' musi'na ke'nanga. Lussa'mi Atalya siagang nakae-kaemi pakeanna, nampa ammarrang angkana, “Pasikongkolang! Pasikongkolang!”

2 PATTOTTORANG 9:4

antekamma atoro'na jama-jamanna pagawe-pagawena balla' karaenga, siagang pakeanna kammayatompa balla'na ngaseng ke'nanga. Naciniki kanre nipatalaya, siagang pakeanna sikamma palayang allayaniai ke'nanga; naciniki koro'bang-koro'bang napassareanga Salomo ri Balla'Na Batara. Yangasenna anjo napakalannasaki pa'mai'na anjo ratu battua ri pa'rasangang Syeba napakamma.

YEHEZKIEL 44:3

Mingka pamarenta anna'galaka koasa akkullei a'lampa mange ri anjo pakke'bu' lompoa untu' angkanrei kanre matangkasaka ri dallekangKu. Musti antamaki angngolo ri kamara' lompoa siagang punna ammotereki ia todong anjo naolo.”

YEHEZKIEL 46:2

Ri anjo allo-allo kammaya patugasaka musti antamaki battu ri paranglakkeng bageang pantarang angngolo ri kamara' lompoa nampa ammenteng ri sa'rinna pakke'bu' lompoa, lalang assarena koro'bang sikamma imanga, iamintu koro'bang nitunu siagang koro'bang passiamakkang battu ri sikamma patugasaka. Anjoreng ri pakke'bu' lompoa musti su'juki siagang anynyomba ri Batara, nampa a'lampa. Nampa takkullea nitongko' anjo pakke'bu' lompoa sa'genna bangngi.

LUKAS 18:10

Nakana Isa, “Nia' rua tau a'lampa mange ri Balla'Na Batara appala' doang. Anjo se'rea tu Farisi, na anjo se'rea pole pasingara' sima.

YOSUA 5:1

Sikontu karaenna tu Amori ilaukanna Binanga Yordan, siagang sikontu karaenna tu Kanaan ri birinna Tamparang Tangngaya nalangngereki kabara'na angkanaya le'baki Napa'jari kalotoro' Batara anjo je'ne'na Binanga Yordan lalang a'limbanna umma' Israel ri anjo binangaya. Jari a'jari malla'mi siagang annekkere'mi ke'nanga napakamma tu Israel.