1 KARAENG-KARAENG 10:3 - KITTA' MATANGKASA'

³ Yangasenna anjo pakkuta'nanga akkullei napiali Salomo, tena manna se're sukkara' dudu mae ri ia.

1 KARAENG-KARAENG 10:3 ပူးပေါင်းရင်းမြစ်များ

2 SAMUEL 14:17

Tappaki atanta angkanaya anjo janjinna karaengku lanatanggongi kasalamakkanna atanta lanri ikatte rapangki' malaeka'Na Allata'ala, akkullea angngassengi apa bajika siagang apa ja'dalaka. Dasi-dasi naNarurungangki' Karaeng Allata'ala!”

2 SAMUEL 14:20

Mingka nanagaukang anjo kammaya lanri ero'na ampakale'baki anjo parkaraya siagang baji'. Bajikki' siagang cara'dekki' karaeng sangkamma malaeka'Na Allata'ala sa'genna akkulle kiasseng sikontu apa kajarianga.”

1 KARAENG-KARAENG 10:1

Nalangngereki karaeng bainena pa'rasangang Syeba ri passala' kacara'dekanna Salomo. Jari battumi mange ri Yerusalem untu' anso'ri Salomo siagang pakkuta'nang sukkara'-sukkaraka.

1 KARAENG-KARAENG 10:2

Battui a'rurung siagang jai parurunna siagang unta battalaka napakamma lurang rampa-rampa, batu paramata, siagang sanna' jaina bulaeng. Ri wattu assibuntulu'na siagang Salomo, sangka' rupami napakkuta'nangngang akkullea napikkiri'.

1 KARAENG-KARAENG 10:4

Jari nasa'bimi kalenna anjo karaeng bainea antekamma tinggina pangngassenganna Salomo. Naciniki balla' karaeng nabangunga Salomo,

1 KARAENG-KARAENG 3:12

jari laKuturukiang mako pappala'nu. LaKupa'jariko la'bi cara'dekangngang siagang la'bi bajikangngang pangngassengannu na manna inai-nai, baji' ri jammang allaloa, kammayatompa ri jammang labattua.

2 PATTOTTORANG 9:2

Kabusu'na anjo pakkuta'nanga akkulle ngasengi napiali Salomo, tena manna se're sukkara' mae ri ia.

PANGNGEBARANG 13:20

Tau assileporanga siagang tau cara'deka, la'jari cara'deki; tau assileporanga siagang tau toloa, lacilakai.

YESAYA 42:16

BansaKu butaya laKurenrengi angngolo rioloang tenaya naassengi ke'nanga; laKurenrengi ke'nanga ri agang tenaya naassengi ke'nanga. Sassanga Kupa'jari singaraki mae ri ke'nanga, na oloang a'buttu-buttua Kulappari. Iaminjo laKugaukang mae ri ke'nanga, siagang attantumi laKugaukanna.

MATIUS 13:11

Appialimi Isa Nakana, “Nasaba' ikau nisare ngaseng mako pangngassengang sollanna nupahang rahasiana ri passala' antekamma batena ammarenta Allata'ala. Mingka anjo ke'nanga tanisareai.

YOHANES 7:17

Inai-nai ero' anturuki ero'Na Allata'ala, lanaassengi angkanaya pangngajarang battu kemae anjo Kupangngajaranga. Apaka pangngajarang battu ri Allata'ala yareka pangngajarang battu ri KalengKu.

1 KORINTUS 1:30

KalenNa Allata'ala ampasse'rei katallassannu siagang Isa Almasi. Tete ri Isa Almasi nanipa'jariki' cara'de'. Siagang tete ri Iatommi naNapasibajiki maki' Allata'ala mae ri KalenNa, iamintu Napa'jari maki' umma'Na, kammayatompa Napa'jari bebasa' maki'.

KOLOSE 2:3

Almasimi ampa'nyatai sikontu apa-apa tenayapa niassengi battu ri kacara'dekanNa siagang pangngassenganNa Allata'ala, ia taccokkoa riolo.