1 KARAENG-KARAENG 10:22 - KITTA' MATANGKASA'

²² Jai kappala' lompona Salomo assombalaka siagang kappala'-kappala'na Hiram. Tattallun taung sikali ammotereki anjo sikamma kappalaka angngerang bulaeng, pera', gading, dare' siagang jangang-jangang cenderawasih.

1 KARAENG-KARAENG 10:22 ပူးပေါင်းရင်းမြစ်များ

PA'JARIANG 10:4

Sossoranna Yawan iami a'jari pandudu' ri Elisa, Spanyol, Siprus, siagang Rodes.

1 KARAENG-KARAENG 10:18

Appare' tommi se're empoang kakaraengang lompoa ia nilapisika siagang gading siagang nibelo-beloia siagang bulaeng ti'no'.

1 KARAENG-KARAENG 10:21

Yangasenna pakkakasa' pangnginunganna Salomo sangnging bulaeng nipare', kammayatompa sikontu pakkakasa' ri Kamara' Romang Libanon, sangnging bulaeng ti'no' todong nipare'. Tena nania' nipare' battu ri pera', nasaba' ri jammanna Salomo tena anggaranna peraka.

1 KARAENG-KARAENG 9:26

Untu' tantarana ri tamparanga, appareki Salomo kappala'-kappala' ri Ezion-Geber, ri ampi'na Elot ri biring Tamparang Teluk Akaba, daera Edom.

2 PATTOTTORANG 9:21

Jai todong kappala' lompona Salomo assombalaka ri tamparang lompoa siagang kappala'-kappala'na Hiram. Tallun taung sikali ammotereki sikamma anjo kappalaka angngerang bulaeng, pera', gading gaja, dare' siagang jangang-jangang ga'ga.

AYUB 39:13

Tamaka linta'na pakkape'na ka'nyi' jangang-jangang untaya! Mingka takkulleai napasangkammai ri'ba'na kondoa.

PAMMUJI 48:7

Anjoreng annekkereki ke'nanga napakamma malla' siagang pa'risi', sanrapang baine eroka ammana',

PAMMUJI 72:10

Sikamma karaeng Tarsis siagang pulo-pulona langngerangi passare mae ri ia. Sikamma karaeng Arab siagang Etiopia battui angngerang passare.

YESAYA 2:16

Sikamma kappala' lompoa siagang kaminang ga'gaya lanitallangngang ngasengi.

YESAYA 23:1

Iaminne pappasang ri passala'na Tirus. He, sikamma pakappalaka ri Tarsis ansombaliai tamparang lompoa, appiraung mako! Ri wattunnu assombala' ammotere' battu ri Siprus, lanipauang mako angkanaya ancuru'mi Tirus. Pa'labuannu siagang sikamma balla'nu a'jari rumbangang ngasemmi.

YESAYA 23:10

A'lampamako mange anjamai kokonnu, he pandudu'na Tarsis, saba' tenami papparekang kappala'nu.

YESAYA 23:6

Appiraung mako siagang lari mako mange ri Tarsis, he pandudu' niaka ri biring tamparanga.

YESAYA 60:9

Iaminjo sikamma kappala' battua a'labu angngerangi umma'Na Batara ammotere' battu ri pa'rasangang bella. Angngerang tongi pera' siagang bulaeng untu' mammuji ri Karaeng Allata'alanu; mae ri Allata'alana Israel Kaminang matangkasaka, ampa'jariai umma'Na nipakalompo.

YESAYA 66:19

LammoliKa' se're pammatei ri tangnga-tangngana ke'nanga. Sike'de'ji battu ri ke'nanga laKupasalama'. LaKusuroi ke'nanga mange ri bansa-bansa niaka ri sikamma pa'rasangang bellaya, tenayapa nalangngereki kabarakKu yareka tenayapa naciniki kala'birangKu siagang koasaKu: mange ri Tarsis, Libia, siagang Lidia siagang sikamma tucara'de'na ammana, mange ri Tubal siagang Yunani. Lanakabarrangi ke'nanga kalompoangKu ri alla'na anjo bansa-bansaya.

YEHEZKIEL 27:12

Nubalukangi anjo barang-barang danggangannu alla'bi-la'bia ri Spanyol; na salaku ballinna annarima mako pera', bassi, tima kebo', siagang tima le'leng.

YEHEZKIEL 27:15

Pandudu'na Rodus a'danggang tongi siagang ikau kammayatompa pandudu'na daera biring tamparanga naballi barang-barannu siagang gading siagang kayu le'leng.

AMOS 3:15

Sikamma balla' untu' wattu dinginga siagang balla' pammari-marianga ri wattu timoroka laniancuruki. Sikamma balla' nibelo-beloa siagang gading gajaya lanirumbangi; sikontu balla' karaenga laniancuruki.

YUNUS 1:3

Mingka ba'lalo a'lampa maraengi Yunus untu' ampakabellai kalenna battu ri Batara. A'lampa mangei ri Yopa, na sitabangi nia' kappala' ero' a'lampa mange ri Spanyol. Le'baki a'bayara' ongkoso' kappala', nai'mi ri kappalaka, nampa assombala' siagang ana' kappalaka mange ri Spanyol, untu' ampakabellai kalenna battu ri Batara.