1 KARAENG-KARAENG 10:21 - KITTA' MATANGKASA'

²¹ Yangasenna pakkakasa' pangnginunganna Salomo sangnging bulaeng nipare', kammayatompa sikontu pakkakasa' ri Kamara' Romang Libanon, sangnging bulaeng ti'no' todong nipare'. Tena nania' nipare' battu ri pera', nasaba' ri jammanna Salomo tena anggaranna peraka.

1 KARAENG-KARAENG 10:21 ပူးပေါင်းရင်းမြစ်များ

1 KARAENG-KARAENG 10:17

Kammayatompa appare' tongi 300 pannangkisi' bulaeng ca'diangnganga. Bulaeng nipake untu' massing-massing anjo pannangkisi' ca'dia nia' kira-kira rua kilo battala'na, yangasenna bulaeng nide'de'. Sikontu anjo pannangkisika naboliki lalang ri kamara' niarenga Kamara' Romang Libanon.

1 KARAENG-KARAENG 10:20

Ri massing cappa' kairina siagang cappa' kananna anjo baringang tukaka nia' patung singa – yangasenna nia' sampulo anrua jaina. Tenanniakka nale'ba' nia' empoang karaeng kammaya anjo manna pole na ri kakaraengang kemae.

1 KARAENG-KARAENG 10:22

Jai kappala' lompona Salomo assombalaka siagang kappala'-kappala'na Hiram. Tattallun taung sikali ammotereki anjo sikamma kappalaka angngerang bulaeng, pera', gading, dare' siagang jangang-jangang cenderawasih.

1 KARAENG-KARAENG 7:2

Ri anjo balla' kakaraenganna Salomo, appare' tommi kamara' niarenga “Kamara' Romang Libanon”. Ukkuranna iamintu: la'buna 44 metere', sangkara'na 22 metere', siagang tinggina 13,5 metere'. Anjo kamaraka ammakei tallung barrisi' benteng battu ri kayu camara Libanon; massing-massing barrisi'na nia' sampulo allima benteng siagang irateanna nibonei pannahang-pannahang battu ri kayu camara Libanon. Palaponna iamintu battu ri kayu camara Libanon tonji siagang natongkoki anjo kayu-kayu pannahanga.

ESTER 1:7

Appasadiai karaenga anggoro' sanna' jaina ia nipatalaya lalang ri cangkiri' bulaeng sangka' rupaya tanja'na.

AYUB 28:1

“Nia' pangngekeang kemae nibuntulu' peraka; nia' tampa' kemae nipici'nongi bulaenga.

ZAKHARIA 9:3

Le'ba'mi Tirus ambangung benteng-benteng untu' kalenna siagang appatambung tamaka jaina bulaeng siagang pera' sa'genna a'jari sangkammami barang biasa sangkamma kassi' siagang butta peoka ri aganga.

PAOLE 17:17

Se'rea karaeng takkulleai jai bainenna, sollanna tena naNabokoi Batara. Tena todong nakkulle napa'jari kalumanynyang kalenna siagang pera' siagang bulaeng.