1 KARAENG-KARAENG 10:2 - KITTA' MATANGKASA'

² Battui a'rurung siagang jai parurunna siagang unta battalaka napakamma lurang rampa-rampa, batu paramata, siagang sanna' jaina bulaeng. Ri wattu assibuntulu'na siagang Salomo, sangka' rupami napakkuta'nangngang akkullea napikkiri'.

1 KARAENG-KARAENG 10:2 ပူးပေါင်းရင်းမြစ်များ

PA'JARIANG 18:33

Le'baki a'bicara Batara siagang Abraham, a'lampami Batara, nampa ammotere' tommo Abraham mae ri balla'na.

1 KARAENG-KARAENG 10:10

Nampa anjo karaeng baine battua ri pa'rasangang Syeba assaremi hadiah mae ri Salomo ia naeranga, iamintu la'bi 4.000 kilo battala'na bulaeng siagang jai batu paramata, kammayatompa rampa-rampa. Tena le'bakami ribokoangannaya Salomo annarima kammaya anjo jaina rampa-rampa sangkamma anjo napassareanga anjo karaeng baine battua ri pa'rasangang Syeba mae ri ia. (

1 KARAENG-KARAENG 10:3

Yangasenna anjo pakkuta'nanga akkullei napiali Salomo, tena manna se're sukkara' dudu mae ri ia.

2 KARAENG-KARAENG 20:13

Nabuntulu'mi Hizkia anjo sikamma tunisuroa, siagang napappicinikammi mae ri ke'nanga sikontu kakalumanynyangnganna, iamintu bulaeng, pera', rampa-rampa siagang minynya' wangi, kammayatompa sikontu pakkakasa' bundu'na tantarana. Tena manna sike'de' apa-apa niaka ri balla' kakaraenganna siagang ri sikontu kakaraenganna tanapappicinikang mae ri ke'nanga.

2 KARAENG-KARAENG 5:5

Nakanamo karaenga, “Baji'mi, a'lampamako mange ri karaeng Israel. Lannulisikka' sura' mae ri ia.” Jari a'lampami Naaman, nangngerang 30.000 doe' pera', 6.000 doe' bulaeng, siagang 10 pasang pakeang ga'ga ngaseng.

2 KARAENG-KARAENG 5:9

Lanri kammana anjo a'lampami Naaman siagang kareta jaranna mange ri balla'na Elisa, nampa ammantang ri dallekanna pakke'buka.

PAMMUJI 4:4

Assengi angkana, le'ba'mi Napile Batara untu' KalenNa sitau Nakamaseanga. Batara mappilangngeri Punna kumakkio' ri Ia.

PAMMUJI 72:10

Sikamma karaeng Tarsis siagang pulo-pulona langngerangi passare mae ri ia. Sikamma karaeng Arab siagang Etiopia battui angngerang passare.

KALAPPASSANG 25:6

minynya' untu' lampu, rampa-rampa minynya' upacara siagang untu' dupa mabau',

YESAYA 30:6

Kammaminne pappasanNa Batara ri passala'na sikamma olo'-olo' niaka ammantang ri butta bageang timboro', “Sikamma tunisuroa napilurangngimi keledaina siagang untana ke'nanga rassi hadia, nampa numalo ri daera jaia bahaya lanri napammantangngi singa, ulara' a'racung, siagang naga akka'nyi'. Sikontu anjo hadiaya napassareangi ke'nanga mae ri bansa tenaya kullena antulungi ke'nanga.

YEHEZKIEL 27:22

Untu' amballi barang-barannu sikamma padanggang battua ri Syeba siagang Raema angngerangi paramata-paramata, bulaeng, siagang rampa-rampa kaminang bajika.

LUKAS 24:15

Na lalang nabicarana ke'nanga anjo passalaka, battumi KalenNa Isa anrurungangi ke'nanga a'jappa.

LAMPA-LAMPANA 25:23

Ammukona, battumi Agripa siagang Bernike siagang ada' kalompoang. Antama'mi ke'nanga ri pammantangang sidanga siagang sikamma tumalompona tantaraya, kammayatompa tumalompona anjo kotaya. Nasuro erammi Festus antama' Paulus.