1 KARAENG-KARAENG 10:12 - KITTA' MATANGKASA'

¹² Anjo kayua napakei Salomo untu' appare' tarali-tarali ri Balla'Na Batara siagang ri balla' kakaraenganga; kammayatompa untu' appare' kacapi siagang gambusu' untu' sikamma pakelonga. Anjo kayu-kayua iami kayu cendana kaminang baji' ia le'baka nipabattu mange ri Israel; tena le'bakami ribokoanganna accini' taua kayu kammaya anjo baji'na.)

1 KARAENG-KARAENG 10:12 ပူးပေါင်းရင်းမြစ်များ

2 SAMUEL 6:5

Daud siagang sikontu bansa Israel a'jappa ri dallekanna anjo Pattia a'joge'-joge' sipagassing-gassinna tojeng siagang akkelong-kelong untu' ampakala'biriki Batara. Akkarena kacaping, gambusu', rabana, rincing-rincing siagang kasidai ke'nanga.

1 KARAENG-KARAENG 10:11

Kappala'-kappala'na Hiram angngeranga bulaeng battu ri Ofir untu' Salomo angngerang tongi jai batu paramata siagang kayu cendana.

1 KARAENG-KARAENG 10:13

Pantaranganna hadia-hadia biasaya napassareang Salomo, nasare tongi anjo karaeng baine battua ri pa'rasangang Syeba iamintu sikontu apa napalaka. Nampa ammotere'mo anjo karaeng bainea mange ri pa'rasanganna siagang tau niaka anrurungangi.

1 PATTOTTORANG 23:5

nia' 4.000 nasare tugasa' a'jari pangawala', siagang 4.000 pole untu' ammuji Batara siagang pakkakasa' musi' niaka nipasadia.

2 PATTOTTORANG 9:11

Anjo kayua napakei Salomo untu' appare' tuka' ri Balla'Na Batara siagang balla' karaenga, kammayatompa untu' appare' kacaping siagang gambusu' untu' sikamma pakelonga. Tena le'bakapi nia' anu kammaya anjo ri pa'rasangang Yehuda.)