1 KARAENG-KARAENG 1:53 - KITTA' MATANGKASA'

⁵³ Nampa nasuromo karaenga a'lampa taua mange angngallei Adonia battu anjoreng. Jari battumi Adonia andallekang ri karaenga, siagang su'ju' ri dallekanna. Nakanamo karaenga, “Akkulle mako ammotere'!”

1 KARAENG-KARAENG 1:53 ပူးပေါင်းရင်းမြစ်များ

2 SAMUEL 1:2

Ammukona, nia'mo se're tu rungka battu ri pakkemaanna Saul. Salaku pammatei angkanaya susa kamateangi, nakekke'mi pakeanna siagang naboneimi butta ulunna. A'lampai mange ri Daud nampa su'ju' ri dallekanna.

2 SAMUEL 14:24

Mingka tena nipa'biangi ri karaenga Absalom ammantang ri balla' kakaraenganga. Nakana karaenga, “Taeroka' anciniki.” Jari tulusu'mi Absalom ammotere' mange ri balla' kalenna, siagang tena namange andallekang ri karaenga.

2 SAMUEL 14:28

Ruan taummi Absalom ammantang ri Yerusalem, mingka tena le'bakapi sibuntulu' siagang karaenga.

2 SAMUEL 14:33

Nampa a'lampamo Yoab mange andallekang ri Karaeng Daud siagang napabattumi pappala'na Absalom. Nakio'mi karaenga Absalom, siagang battumi Absalom su'ju' ri dallekanna karaenga. Siagang niruppaimi nibau ri karaenga.

1 KARAENG-KARAENG 1:16

Su'ju'mi Batsyeba ri dallekanna karaenga. Nampa akkuta'nammo karaenga angkana, “Apa nueroki?”

1 KARAENG-KARAENG 1:31

Su'ju'mi Batsyeba siagang nakana, “Mattallasakki' karaeng untu' satunggu-tungguna!”

1 KARAENG-KARAENG 1:52

Appialimi Salomo angkana, “Punna bajiki panggaukanna, tena nalanihukkung manna sike'de'. Mingka punna appanggaukang ja'dalaki, musti nibunoi.”

1 KARAENG-KARAENG 2:1

Ambaninamo narapi' a'jala'na Daud, nakio'mi Salomo, ana' bura'nena, nampa nasare pappasang-pappasang kala'busang. Nakana Daud,

1 KARAENG-KARAENG 2:36

Le'baki anjo nakio'mi karaenga Simei nampa nakana ri ia, “Apparekko balla' untu' kalennu anrinni ri Yerusalem. Ammantang mako anjoreng siagang teako assuluki battu ri kotaya.

PANGNGEBARANG 24:21

Ana', mallakko ri Batara, siagang pakalompoi karaenga. Teako katuru'-turukangi mae ri tau angngewayai ke'nanga.