1 KARAENG-KARAENG 1:52 - KITTA' MATANGKASA'

⁵² Appialimi Salomo angkana, “Punna bajiki panggaukanna, tena nalanihukkung manna sike'de'. Mingka punna appanggaukang ja'dalaki, musti nibunoi.”

1 KARAENG-KARAENG 1:52 ပူးပေါင်းရင်းမြစ်များ

2 SAMUEL 14:11

Nakanamo anjo bainea, “Poro appala' doang laloki' karaeng mae ri Karaeng Allata'alata, sollanna anjo tau eroka ambalasaki kamateanna anjo ana'na atanta tena nagaukangi kaja'dallang la'bi lompoangnganga pole lanri nabunona pole ana'na atanta se'rea.” Appialimi Daud angkana, “Lanri Batara mattallasaka, anjo ana'nu tena nalaniapa-apa manna pole sike'de'.”

1 KARAENG-KARAENG 1:51

Napaumi taua anjo passalaka mae ri Karaeng Salomo. Napaumi ke'nanga angkanaya lanri malla'na Adonia mae ri Salomo, na'lampamo mange ri tampa' pakkoro'bangnganga anta'galaki sikamma cappa'na tampa' pakkoro'bangnganga siagang nakana, “Tena kula'lampa battu anrinni punna tenapa nassumpa Salomo mae ri nakke angkanaya tena nalanabunoa'.”

1 KARAENG-KARAENG 1:53

Nampa nasuromo karaenga a'lampa taua mange angngallei Adonia battu anjoreng. Jari battumi Adonia andallekang ri karaenga, siagang su'ju' ri dallekanna. Nakanamo karaenga, “Akkulle mako ammotere'!”

AYUB 15:22

Tena panrannuanna lakkulle alliliangi sassanga, saba' niondangi ri pa'danna pabunoa tunggala' kasampatang.

PANGNGEBARANG 13:6

Kalambusanga nala'langi tau lambusuka ri tallasa'na; kaja'dallanga napanraki tau dorakaya.

PANGNGEBARANG 21:12

Allata'ala Kaminang Adeleka Naassengi apa kajarianga lalang ri balla'na tau dorakaya. LaNapaloposoki ke'nanga sa'genna panra'.

MATIUS 10:30

Siapa jaina uu'nu irate ri ulunnu, le'ba' bilang ngasemmi.

LUKAS 21:18

Mingka manna silawara' uu'nu tena todong nalatappela'.

LAMPA-LAMPANA 27:34

Kupakaingakko sollannu angnganre sike'de'. Anne untu' kabajikannu ngaseng, sollannu anggappa ammotere' kagassingang. Nasaba' lasalama' ngasengko nutangngapa-apa.”

1 SAMUEL 14:45

Mingka nakanamo ra'yaka mae ri Saul, “Maka musti nihukkung matei Yonatan? Nampa ia angngerangi anne pammetang lompoa? Tena! A'janji ikambe lanri Batara attallasaka, angkanaya takkulleai tappela' uu'na Yonatan manna silawara'. Nasaba' lanri pannulunNa Batara, nanggappa pammetang anne alloa.” Kammaminjo nanipasalama'mo Yonatan battu ri hukkungang matea lanri ra'yaka.