1 KARAENG-KARAENG 1:5 - KITTA' MATANGKASA'

^5-6 Nasaba' matemi Absalom, jari Adonia, ana' bura'nena Daud makaruaya a'jari kaminang toa. Amma'na niarengi Hagit. Adonia iamintu ana' gammara'. Tale'bakai manggena angkalarroi punna ampanggaukang sala. Adonia ero' dudui a'jari karaeng. Jari napasadiakammi untu' kalenna siapa are jaina kareta pa'bundukang siagang tantara a'jarang kammayatompa limampulo tau untu' pangawala' ri kalenna.

1 KARAENG-KARAENG 1:5 ပူးပေါင်းရင်းမြစ်များ

2 SAMUEL 15:1

Le'baki anjo appasadiami Absalom kareta pa'bundukang siagang jarang kammayatompa limampulo tau untu' anrurungangi kalenna.

2 SAMUEL 3:4

Adonia. Amma'na iamintu Hagit. Sefaca. Amma'na iamintu Abital.

1 KARAENG-KARAENG 1:11

Jari a'lampami Na'bi Natan angngagangi sibuntulu' Batsyeba, amma'na Salomo, nampa nakana ri ia, “Tena kilangngereki kabara'na angkanaya Adonia, ana' bura'nena Hagit, le'ba'mi naangka' kalenna a'jari karaeng, nampa tena sikali napangngassengi Daud anjo passalaka?

1 KARAENG-KARAENG 2:13

Ri se'reang allo, a'lampai Adonia mange ri Batsyeba. Akkuta'nammi Batsyeba ri Adonia angkana, “Apa anne kabattuannu untu' kabajikang?”

1 KARAENG-KARAENG 2:15

Appialimi Adonia angkana, “Kiassengi ibu' angkanaya mustina inakkeji a'jari karaeng. Iaminjo naminasai sikontu Israel. Mingka ia kajarianga ta'bale'mi. Andikku a'jari karaeng, lanri kammai anjo Nakaerokia Batara.

1 KARAENG-KARAENG 2:24

Le'ba'mi Napakajarre' Batara empoangku ri empoanna manggeku Daud. Le'ba'mi Narupai janjinNa siagang le'ba'mi Napassareang anne kakaraenganga mae ri nakke siagang turungangku. Assumpa' lanri Batara attallasaka angkanaya lamatei Adonia ia memang anne alloa!”

1 PATTOTTORANG 28:5

Nasarea' jai ana', na battu ri sikontua anakku Napilemi Salomo untu' ammarenta ri Israel, kakaraenganNa Batara.

1 PATTOTTORANG 29:1

Nampa nakana Karaeng Daud mae ri sikontu tau a'rappunganga anjoreng, “Battu ri sikontu ana' bura'neku, Salomomi Napile Allata'ala. Mingka rungka dudu iji siagang kurang iji pangalamanna, naanne jama-jamanga sanna' lompona. Nampa pole anjo lanibangunga teai balla' karaeng rupatau, passangalinna balla' untu' Karaeng Allata'ala.

KALAPPASSANG 9:17

Mingka manna mamo nakamma anjo, tuli tinggi langganu siagang taerokako allappassangi ummakKu a'lampa.

PANGNGEBARANG 16:18

Kaborroanga angngerangi kapanrakang; katampoanga angngerangi karuntungang.

PANGNGEBARANG 18:12

Tau tampoa latu'guruki, tau tuna pa'maika lanipakalompoi.

YESAYA 2:7

Pa'rasanganna rassi pera' siagang bulaeng, na barang-baranna teai sipato' jaina. Sanna' jaina jaranna, karetana tanila'busai nirekeng napakamma jaina.

LUKAS 14:11

Nasaba' inai-nai ampakalompoi kalenna, iami lanipakatuna, mingka inai-nai ampakatunai kalenna, iami lanipakalompo.”

LUKAS 18:14

Nakanamo Isa, “Patappa'mi angkanaya, ri wattunna ammotere' mange ri balla', iaminjo pasingara' simaya nitarima pappala'na ri Allata'ala. Jari teai pappala'na anjo tu Farisia. Nasaba' inai-nai ampakatinggi kalenna iami lanipakatuna. Na inai-nai ampakatunai kalenna, iami lanipakatinggi.”

HAKING-HAKING 9:2

“Pakkuta'nangang sai mae ri sikontu tau ammantanga ri Sikhem, kereanga la'bi baji': Niparentaya ri tujupuloa ana'na Gideon, yareka ri se'rea bawang tau? Piu'rangiang tongi ke'nanga angkana nia' ija passisambungang cerakku siagang ke'nanga.”