1 KARAENG-KARAENG 1:42 - KITTA' MATANGKASA'

⁴² Tenapa nale'ba' a'bicara Yoab, ti'ring battumi Yonatan, ana'na Imang Abyatar. Nakanamo Adonia, “Antamakko mae. Ikau tau bajikko, tantu kabara' baji' todong nuerang.”

1 KARAENG-KARAENG 1:42 ပူးပေါင်းရင်းမြစ်များ

2 SAMUEL 15:27

Nampa nakana pole karaenga ri Zadok, “Kioki Ahimaas ana'nu siagang Yonatan ana'na Abyatar; ammotere' mako siagang sannang mae ri kotaya.

2 SAMUEL 15:36

Ahimaas ana'na Zadok siagang Yonatan ana'na Abyatar amminawang tongi ri manggena ke'nanga, jari nia' tongi ke'nanga anjoreng. Iaminjo ana'-anaka nusuro battu untu' ampabattui mae ri nakke sikontu kabara' nulangngereka.”

2 SAMUEL 17:17

Lalanna anjo wattua Yonatan ana'na Abyatar siagang Ahimaas ana'na Zadok sitabangi attayang ri ampi'na timbuseng je'neka ri En-Rogel, ri birinna kota Yerusalem. Tena nabarani ke'nanga antama ri kotaya lanri mallaki nicini' ri taua. Sangkamma biasaya, nia' sitau ata baine ampabattui mae ri ke'nanga punna nia' kabara' musti nilaporo' mae ri Karaeng Daud.

2 SAMUEL 18:27

Nakanamo anjo pajagaya, “Anjo uru-urua Ahimaas. Naassengi atanta batena lari.” Nakanamo karaenga, “Ia tau baji'. Tantu kabara' baji' naerang.”

1 KARAENG-KARAENG 1:41

Adonia siagang toananna silalonna le'ba' assua'-suara', ri wattunna nalangngere' ke'nanga anjo kasuarranga. Ri wattunna nalangngere' Yoab sa'ra tarompeka, akkuta'nammi angkana, “Apa kajariang ri kotaya sa'genna suara' sikali?”

1 KARAENG-KARAENG 1:43

Appialimi Yonatan angkana, “Pammopporanga'. Karaeng Daud le'ba'mi naangka' Salomo a'jari karaeng!

1 KARAENG-KARAENG 22:18

Nampa nakana Ahab ri Yosafat, “Sai annabai kanangku? Tena le'bakai natappuanga' apa-apa baji'. Tuli kodiaji bawang!”

2 KARAENG-KARAENG 9:22

Akkuta'nammi Yoram ri Yehu angkana, “Apaka anne kabattuannu salaku agang?” Appialimi Yehu angkana, “Antekamma olona salaku agang punna anrinni nia' ija sanro, siagang nia' ija tau anynyomba ri barhala appakkaramulaya nagaukang anjo amma'nu?”

YESAYA 57:21

Tena kasannangngang mae ri tau dorakaya,” Nakana Batara.