1 KARAENG-KARAENG 1:37 - KITTA' MATANGKASA'

³⁷ Antekamma bateNa Batara le'ba' anrurungangki', poro Iatommi anrurungangi Salomo. Tapporo Batara ampa'jari la'bi poreangngangi pamarentahanna na pamarentahanta.”

1 KARAENG-KARAENG 1:37 ပူးပေါင်းရင်းမြစ်များ

2 SAMUEL 24:3

Mingka nakanamo Yoab ri karaenga, “Dasi-dasi nanipa'lappi-lappi jaina ra'ya' Israel ri Karaeng Allata'alata, sa'genna a'lappi sibilangngang jaina ri kamma-kammaya anne, kammayatompa dasi-dasi kittallasa' tongija anciniki ke'nanga. Mingka untu' apa nakiero' ansuro bilangi taua karaeng?”

1 KARAENG-KARAENG 1:36

Appialimi Benaya angkana, “Baji'mi karaeng mala'biri', poro Batara, Allata'alana karaengku, ampakajarreki anjo parentana karaeng.

1 KARAENG-KARAENG 1:47

Ba'lalo sikamma perwira tantarana karaenga a'lampa ngasemmi mange ampasalamaki Karaeng Daud. Nakana ke'nanga, ‘Tapporo Allata'alana karaeng ampa'jari Salomo la'bi masahoro' na ikatte; tapporo poreangngangi pamarentahanna Salomo na pamarentahanta.’ Nampa ri katinroanna su'ju'mi Karaeng Daud anynyomba ri Allata'ala,

2 KARAENG-KARAENG 2:9

Battuna anta'leang, nakanamo Elia ri Elisa, “Pala'mi apa nukaerokia ri nakke lalang tenanapa Naangkaka' Batara siagang kubokoiko!” Appialimi Elisa angkana, “Kipassareammi mae ri nakke kakoasanta bapa', sollangku akkulle ansambeangki'.”

1 PATTOTTORANG 28:20

Le'baki anjo nakanamo pole Karaeng Daud ri Salomo ana'na, “Musti matappakko na nubarani. Pakaramulaimi anjo jamanga siagang teako malla'-mallakki manna pole ri apa-apa mamo. Ia Karaeng Allata'ala kusombaya lantulungko. Tena nalaNabokoiko. Ia lanrurungangko sa'genna le'ba' anjo jama-jamanga.

1 PATTOTTORANG 29:25

Napa'jarimi Batara sikontu ra'yaka angngali' mae ri Salomo, siagang Napa'jarimi Salomo karaeng poreanganga na karaeng maraengannaya, sikamma le'baka ammarenta ri Israel.

2 PATTOTTORANG 1:1

Salomo ana' bura'nena Karaeng Daud a'jarimi karaeng kassa' empoanna lalang ri kakaraengang Israel. Nibarakkaki ri Karaeng Allata'alana, siagang nipa'jari sannaki lompona kakoasanna.

PAMMUJI 46:11

Nakana, “Pammari a'bunduka; assengi, angkana iNakke anne Allata'ala, iNakke malompo ri alla'na bansa-bansaya, malompo ri sikontu linoa.”

PAMMUJI 46:7

A'gunturu'mi Allata'ala, na ancuru' taba sikali linoa; gegere'mi bansa-bansaya, runtummi sikamma karaenga.

PAMMUJI 72:8

Lapila' a'bakkaki luara'na kakaraenganna battu ri tamparang se'rea mae ri tamparang maraenga, a'la'bang battu iraya sa'genna kalau'.

PAMMUJI 89:27

Lanakana ri Nakke, ‘IKattemi Manggeku, Allata'alaku, Pa'la'langangku siagang Tumappasalamakku.’

KALAPPASSANG 3:12

Appialimi Allata'ala angkana, “INakke lantulungko. Napunna nuerammo assulu' anjo bansaya battu ri Mesir, lanugaukang ngasemmi ibadaya mae ri Nakke ri anne monconga. Iaminjo a'jari butti angkana iNakke assuroko.”

YESAYA 8:10

Apparekko rancana, mingka tena nia' anjari. Angngalle mako kaputusang, mingka tena matu-matunna, saba' ikambe Narurungangki' Allata'alana ikambe.

DANIEL 7:14

Nisarei kalompoang siagang kakoasanga salaku karaeng, sa'genna sikamma tau battua ri sikontu bansaya, suku bansaya siagang bahasaya napare' atai kalenna mae ri ia. Lattahangi kakoasanna satunggu-tungguna, siagang pamarentahanna tena nalanigulung.

MATIUS 1:23

“Nia' sallang se're tulolo latianang siagang allassukang sitau ana' bura'ne. Anjo anaka lanigallaraki Imanuel.” (Imanuel iamintu bicara tu Ibrani, battuanna “Niaki Allata'ala anrurungangki'”.)

ROMA 8:31

Apamo lanikana kamma-kamma anne ri passala' kammaya ngaseng anjo? Punna Narurungangki' Allata'ala, maka inai akkulle angngewaki'?

YOSUA 1:17

Lamannuruki ikambe mae ri kau, sangkamma todong tuli mannurukinna ikambe mae ri Musa. Dasi-dasi naNarurungangko Karaeng Allata'alanu sangkamma todong Narurunganna Musa!

YOSUA 1:5

Manna sitau tania' lakkulle ambetako, Yosua, lalang tallasa'nu. Nasaba' iNakke latuli anrurungangko ri sa'rinnu sangkamma riolo iNakke anrurungangi Musa ri sa'rinna. Tena nalaKubokoiko.

1 SAMUEL 20:13

Punna erokko nacilakai, tantu lakupauang tongko, sollanna akkulle nupasalama' kalennu. Tapporo Nabunoa' Batara punna tena nakugaukang anjo kammaya. Tapporo Natulungko Batara, sangkamma ia le'ba' tommi nitulung ri Batara.