1 KARAENG-KARAENG 1:34 - KITTA' MATANGKASA'

³⁴ Anjoreng musti niangkaki ri Zadok siagang Natan a'jari karaeng Israel. Le'baki anjo musti nupasa'rai tarompeka nampa akkio' rannuko angkana, ‘Mattallasaki Karaeng Salomo!’

1 KARAENG-KARAENG 1:34 ပူးပေါင်းရင်းမြစ်များ

2 SAMUEL 15:10

Mingka rioloangannaya anjo le'ba'mi akkiring siapa are tunisuro mae ri sikontu suku Israel angngerang pasang angkana, “Punna allangngerekko sa'ra tarompe', akkio' mako angkana, ‘A'jari karaemmi Absalom ri Hebron!’ ”

2 SAMUEL 2:4

Nampa battumo tu Yehuda mange ri Hebron, na nalanti' Daud a'jari karaeng mae ri tu Yehuda. Nalangngere'na Daud angkanaya le'ba'mi nitarawang maya'na Saul ri tu Yabesh ri Gilead,

2 SAMUEL 5:3

Appare'mi parjanjiang Daud siagang anjo pamimping-pamimpinna tu Israel, nampa nilanti' ri ke'nanga a'jari karaeng mae ri Israel.

1 KARAENG-KARAENG 1:25

Annemi alloa nale'ba' assare jai koro'bang gimbala', sapi laki, siagang ana' sapi co'mo'-co'moka. Yangaseng ana'-ana' bura'neta naundangi. Kammayatompa sikamma panglima tantarata siagang Imang Abyatar. Kamma-kamma anne sitabangi ke'nanga assua'-suara' siagang akkiok-kio' rannu angkana, ‘Attalasaki Karaeng Adonia!’

1 KARAENG-KARAENG 1:35

Nampa nururungang ammotere' mae anrinni untu' ammempo ri empoang kakaraengangku, lanri iami kupile a'jari karaeng untu' ansambeanga, ammarenta Israel siagang Yehuda.”

1 KARAENG-KARAENG 1:39

Nampa angngalle Zadok minynya' zaitun le'baka naerang battu ri KemaNa Batara, nampa naminynyaki na naangka' Salomo a'jari karaeng. Nipasa'rami tarompeka nampa sikontu tau hadereka anjoreng akkio'mi angkana, “Mattallasaki Karaeng Salomo!”

1 KARAENG-KARAENG 19:16

Gaukang tommi anjo kammaya mae ri Yehu ana'na Nimsi, sollanna a'jari karaeng Israel. Kammayatompa Elisa ana'na Safat battu ri Abel-Mehola, sollanna a'jari na'bi ansambeangko.

2 KARAENG-KARAENG 11:12

Le'baki anjo nierammi Yoas assulu' ri Yoyada, nampa napataba ri ulunna Yoas songko' kakaraenganga, siagang napassareang mae ri ia kitta' HukkunNa Allata'ala. Nilanti'mi Yoas a'jari karaeng, nampa nipa'la'bang anjo passalaka mae ri sikontu ra'yaka. Attempa lima kabusu'mi ke'nanga siagang akkio' rannu angkana, “La'bui umuru'na karaenga!”

2 KARAENG-KARAENG 11:14

Nacini'mi anjo karaeng berua ammenteng ri pakke'bu' antamaya ri Balla'Na Batara ri napattampakkia nilanti', nitammulili ri perwira-perwiraya siagang patui' tarompeka. Sikontu ra'yaka akkio' rannu kabusuki nampa nipasa'raya tojeng tarompeka. Lussa'mi nasa'ring nyawana Atalya nanakekke' pakeanna, siagang a'gora angkana, “Pasingkongkolang! Pasikongkolang!”

2 KARAENG-KARAENG 9:13

Akkaro-karomi agang-aganna Yehu ansungkei jubana ke'nanga nampa napaka'rang ri tukaka ri dallekanna Yehu. Nampa appasa'ra ke'nanga tarompe' siagang a'gora angkana, “Yehu a'jari karaeng!”

2 KARAENG-KARAENG 9:3

nampa nupatiri' anne minynyaka irate ri ulunna, nampa nukana, ‘Nakana Batara, Naangkakko a'jari karaeng Israel.’ Punna le'ba' nugaukang anjo kammaya, bokoimi linta' anjo tampaka.”

2 KARAENG-KARAENG 9:6

Nampa antama'mo ke'nanga sipa'rua ri ballaka, nampa napatiri'mo na'bi rungkaya anjo minynya' zaitunga nai' ri ulunna Yehu siagang nakana, “Nakana Karaeng Allata'alana Israel, ‘Kulantikko a'jari karaeng mae ri ummakKu Israel.

2 PATTOTTORANG 23:11

Le'baki anjo nierammi Yoas ri Yoyada assulu', nampa napadongko' songko' kakaraenganga ri ulunna, siagang napassareang Kitta' “HukkunNa Allata'ala” mae ri Yoas. Kammami anjo batena niangka' Yoas a'jari karaeng. Nampa massing appatiri' minynya' Imang Yoyada siagang sikamma ana'na, iamintu minynya' upacara palantikang mae ri Yoas; a'gora lompomi sikamma taua angkana, “La'bui umuru'na karaenga!”

PAMMUJI 45:7

Nasareko koasa Allata'ala untu' ammarenta, attahangi koasanu satunggu-tungguna; ammarentako' siagang adele' mae ri ra'ya'nu.

PAMMUJI 89:20

Riolo dudu lalang se're so'na, Kikana mae ri ata tamamminraTa, “Le'baki Kutulung se'rea tubarani, se'rea tule'ba' Kupile battu ri ra'ya', Kupakatinggimi.

PAMMUJI 89:36

SikalijA' assumpa untu' satunggu-tungguna lanri areng matangkasakKu; tena Kula'balle-balle mae ri Daud.

YESAYA 45:1

Batara le'ba' angngangkaki Kores a'jari karaeng; ia nisuro ambetai sikamma bansa-bansaya siagang antepoki kakoasanna sikamma karaenga. Batara lassungkeangi sikamma pakke'bu' lompona kotaya, tena manna se're lammantang tattongko'. Nakana Batara ri ia,

LAMPA-LAMPANA 10:38

Nuassemmi angkanaya le'ba'mi Napile Allata'ala anjo Isa tu Nazaretka, naNapassareang RohNa Allata'ala siagang koasaNa mae ri Ia. Nuasseng tommi angkanaya le'ba'mi a'lampa mange-mange Isa anggaukangi kabajikanga; Naballeimi sa'genna a'jari baji' sikamma tau nasosoka setang, lanri niaki Allata'ala anrurungangi.

1 SAMUEL 10:1

Nampa angngalle Samuel botolo' minynya' zaitun, na napatiri' anjo minynyaka irate ri ulunna Saul, siagang nabaumi Saul, na nakana, “Naminyakiko siagang Naangkakko Batara a'jari karaeng mae ri Israel umma'Na. Lanuparentai umma'Na siagang lanukatutui ke'nanga battu ri musu-musunna ke'nanga. Iaminne pammatei mae ri kau angkanaya Napile mako Batara a'jari karaeng mae ri umma'Na:

1 SAMUEL 10:24

Nampa nakanamo Samuel mae ri ra'yaka, “Iaminne tau nipilea ri Batara, tena sangkammanna ri katte ngaseng.” A'gora lompomi sikontu bansaya angkana, “Mattallasaki karaenga!”

1 SAMUEL 16:3

Undang tongi Isai mange ri anjo pa'gaukang koro'banga. Sallang laKupauangko apa musti nugaukang. Tau Kujo'jokangako, musti numinynyaki na nuangka' a'jari karaeng.”