1 KARAENG-KARAENG 1:31 - KITTA' MATANGKASA'

³¹ Su'ju'mi Batsyeba siagang nakana, “Mattallasakki' karaeng untu' satunggu-tungguna!”

1 KARAENG-KARAENG 1:31 ပူးပေါင်းရင်းမြစ်များ

2 SAMUEL 9:6

Anjo ana' bura'nena Yonatan niarengi Mefiboset. Ri wattunna battu, su'ju'mi ampakalompoi Daud. Nipattaumi ri Daud angkana, “Mefiboset”. Nappialimo angkana, “Iye' karaeng.”

1 KARAENG-KARAENG 1:25

Annemi alloa nale'ba' assare jai koro'bang gimbala', sapi laki, siagang ana' sapi co'mo'-co'moka. Yangaseng ana'-ana' bura'neta naundangi. Kammayatompa sikamma panglima tantarata siagang Imang Abyatar. Kamma-kamma anne sitabangi ke'nanga assua'-suara' siagang akkiok-kio' rannu angkana, ‘Attalasaki Karaeng Adonia!’

NEHEMIA 2:3

kunampa appiali angkana, “Poro la'bui umurutta satunggu-tungguna karaeng! Antekamma talasusa atanta, punna kota pa'jerakkanna boe-boena atanta kamma-kamma anne sesa-sesa rumbangngang mami; pakke'bu' lompona ancuru'mi nakanre pepe'.”

ESTER 3:2

Naparentakammi karaenga sikontu pagawena sollanna napakala'biri' anjo Haman siagang su'ju' ri dallekanna. Sikontu pagawea naturuki anjo parentaya, pantaranganna Mordekhai.

DANIEL 2:4

Appialimi ke'nanga lalang bicara Aram angkana, “La'bui umurutta satunggu-tungguna karaeng! Kicaritami anjo so'nata mae ri kambe, nampa napakasingara' ikambe battuanna.”

DANIEL 3:9

Nakana ke'nanga ri Karaeng Nebukadnezar, “La'bui umurutta satunggu-tungguna karaeng!

DANIEL 5:10

Nalangngere'na karaenga siagang sikamma tumalompona ammarrang-marrang, antama'mi amma'na karaenga ri kamara' passua'-suarranga. Nampa nakana, “La'bui umuru'na karaengku satunggu-tungguna! Pakasannangi pa'mai'na karaengku siagang teaki' pi'lasaki.

DANIEL 6:21

Battuna mange anjoreng, akkio' lussa'mi angkana, “O Daniel, atanNa Allata'ala mattallasaka! Apaka anjo Allata'alanu nusombaya siagang pa'mai' tamamminra akkulle mako napasalama' battu ri anjo singa-singaya?”

DANIEL 6:6

Nampa nakanamo ke'nanga, “Iapa nakkulle nigappa kasalanna Daniel punna passala' agamana.”

MATIUS 21:37

Kala'busanna nasuromi ana' kalenna anjo patanna koko. Napikkiriki angkanaya, ‘Punna anakku mattantu lanipakala'biriki ri ke'nanga.’

EFESUS 5:33

Mingka anjo ayaka nia' todong passisambunganna siagang kalennu: Sikontu tu bura'nea parallui nakarimangngi tubainenna, sanrapang anjo bainenna batangkalenna tonji; kammayatompa sikontu bainea musti napakalompoi tu bura'nenna.

IBRANI 12:9

Nia' manggeta ri lino. Naajarakki' siagang nipakala'biriki. Jari, la'biangampa mae ri Mangge rohanita, niaka ri suruga, tantu musti la'bi tundukki' mae ri Ia sollanta attallasa'.

1 SAMUEL 20:41

A'lampanamo anjo anaka, assulu'mi Daud battu ri bokona anjo pa'gompoang batua, nampa su'ju' pintallung. Baji' ia kammayatompa Yonatan para angngarru'mi ke'nanga ri wattunna massing assibau. La'bi lompoangangi si'nana Daud na Yonatan.

1 SAMUEL 24:8

Assulu'mi Daud battu ri anjo kali'bonga nampa akkio' ri bokona Saul angkana, “Karaeng!”