1 KARAENG-KARAENG 1:29 - KITTA' MATANGKASA'

^29-30 Nampa nakanamo karaenga ri ia, “Memang le'ba'ma' a'janji ri kau, lanri arenNa Batara, Allata'alana Israel, angkanaya Salomo ana'nu lansambeanga' a'jari karaeng. Jari kamma-kamma anne a'janjia' ri kau, lanri Batara mattallasaka, Ia le'baka allappassanga' battu ri sikontu kasukkarrangku, angkanaya anne memang alloa nalakurupai janjingku mae ri kau.”

1 KARAENG-KARAENG 1:29 ပူးပေါင်းရင်းမြစ်များ

PA'JARIANG 48:16

Iami malaeka' allappassanga' battu sikontu bahayaya. Poro Iaminjo Allata'ala ambarakkaki anne ana'-anaka. Poro attallasaki satunggu-tungguna arengku, arenna Abraham siagang arenna Ishak lanri anne ana'-anaka! Poro ammana'-accucui ke'nanga, namajai turunganna ke'nanga ri lino.”

2 SAMUEL 12:5

Nalangngere'na Daud anjo carita kammaya, a'jari teaimi sipato' larrona mae ri panggaukanna anjo lapung tau kalumanynyanga siagang nakanamo, “Palla' sikali anjo tau kalumanynyanga! Lanri Batara, anjo taua musti nasambei anjo ana' gimbalaka a'lappi appa' siagang musti nihukkung matei!”

2 SAMUEL 4:9

Mingka appialimi Daud angkana, “Batara mattallasaka, le'baka ampasalamaka' battu ri sikontu balaya, Naassengi angkanaya annabai anne lakukananga.

1 KARAENG-KARAENG 1:28

Nakanamo Daud, “Kioki Batsyeba.” Jari assulu'mi Na'bi Natan siagang antama' pole Batsyeba andallekang ri karaenga.

1 KARAENG-KARAENG 17:1

Nia' sitau na'bi niareng Elia. Assala'na tubattu ri Tisbe, iamintu se'reang kota ri daera Gilead. Ri se'reang allo battui mae ri Karaeng Ahab na nakana, “Lanri Batara, Allata'ala mattallasaka, Ia nasombaya tu Israel siagang Ia kulayania, kupabattuangki' angkanaya lalang ruampulo yareka tallumpulo taung labattua anne latena saliu' yareka bosi manna sike'de', pantaranganna punna kukanangi.”

1 KARAENG-KARAENG 18:10

Lanri arenNa Batara mattallasaka, Allata'ala kisombaya bapa', kupauang maki' angkanaya nasuroa' karaenga untu' amboyaki' ri kere-kere mae. Punna nia' tukoasa ri se'reang pa'rasangang angkana tenaki' anjoreng, nasuroi Ahab anjo tukoasaya ri anjo pa'rasangang assumpa angkana ma'nassa tena tojeng nanibuntulukki' anjoreng.

1 KARAENG-KARAENG 2:24

Le'ba'mi Napakajarre' Batara empoangku ri empoanna manggeku Daud. Le'ba'mi Narupai janjinNa siagang le'ba'mi Napassareang anne kakaraenganga mae ri nakke siagang turungangku. Assumpa' lanri Batara attallasaka angkanaya lamatei Adonia ia memang anne alloa!”

2 KARAENG-KARAENG 4:30

Nakanamo anjo bainea, “Bapa' Elisa! Lanri Batara mattallasaka siagang lanri nyawata Bapa', tena nalakubokoiki'!” Lanri kammana anjo a'lampami Elisa siagang anjo bainea mange ri balla'na anjo bainea.

2 KARAENG-KARAENG 5:16

Appialimi Elisa angkana, “Lanri Batara mattallasaka, iamintu kulayania, tena nalakualle manna pole passare apa.” Napassa-passami Naaman sollanna ero' Elisa antarimai passarena, mingka tuli teana Elisa angngallei.

2 KARAENG-KARAENG 5:20

appikkiri'mi Gehazi, iamintu palayanna Elisa, angkana, “Eh, angngapa nanilappassang a'lampa natena na'bayara'? Musti natarima bapakku anjo passarena tubattua ri Siria! Lanri Batara mattallasaka, musti kuondangi anjo taua sollangku anggappa apa-apa battu ri ia!”

PAMMUJI 136:24

Nalappassangki' battu ri musua; pangngamaseanNa sa'genna satunggu-tungguna.

PAMMUJI 138:7

Wattungku nituju ri kasusaang, Kipartahangkangi tallasakku. Kiewai musungku sitabanga a'jallo' nampa Kipasalamaka' siagang koasaTa.

PAMMUJI 72:14

Nalappassangi ke'nanga battu ri panjallakkanga siagang katerassanga, saba' lompoi anggaranna katallassanna ke'nanga mae ri ia.

HAKING-HAKING 8:19

Nanakanamo Gideon, “Anjo ke'nanga sari'battangku; ana'na ngaseng ammakku. Ka'de' natenaja nubunoi ke'nanga, ma'nassa tena todong nalakubunoko.”

1 SAMUEL 14:39

A'janjia', lanri Batara attallasaka, ia le'baka assarei Israel pammetang, angkanaya tau salaya lanihukkung matei, manna pole ebara' angkana Yonatan ana' bura'neku.” Mingka tena manna sitau barani appiali.

1 SAMUEL 14:45

Mingka nakanamo ra'yaka mae ri Saul, “Maka musti nihukkung matei Yonatan? Nampa ia angngerangi anne pammetang lompoa? Tena! A'janji ikambe lanri Batara attallasaka, angkanaya takkulleai tappela' uu'na Yonatan manna silawara'. Nasaba' lanri pannulunNa Batara, nanggappa pammetang anne alloa.” Kammaminjo nanipasalama'mo Yonatan battu ri hukkungang matea lanri ra'yaka.

1 SAMUEL 19:6

Sadara'mi Saul lanri kana-kananna Yonatan, nampa assumpamo lalang arenNa Batara angkanaya tena nalanabuno Daud.

1 SAMUEL 20:21

Nampa lakusuro atangku mange anrappungi anjo sikamma panaya. Na punna kukana ri ia, ‘E, anjo panaya la'bi ambani mae anrinni; allei,’ batuanna akkulleko assulu' nasaba' amangi. Assumpa' lanri Batara attallasaka, angkanaya ma'nassa tena sikali bahaya lantujuko.