1 KARAENG-KARAENG 1:2 - KITTA' MATANGKASA'

² Jari nakanamo sikamma pagawena, “O Karaeng, bajikangngang nipa'boyangki se're tulolo untu' angngagangki' ammantang siagang amparakaiki'. Lanaagangki' sikatinroang sollanna kammu' kisa'ring.”

1 KARAENG-KARAENG 1:2 ပူးပေါင်းရင်းမြစ်များ

PA'JARIANG 16:5

Nakanamo Sarai ri Abram, “Kupassareammi anjo atangku Hagar mae ri kau. Mingka naassennamo kalenna tianang, tenamo najampangia'. Anjo ikau pata sala. Tapporo Naadeliki' sipa'rua Batara passabakkang anne passalaka.”

2 SAMUEL 12:3

nampa anjo kasi-asia poro sikayuji bawang ana' gimbala'na naballia. Anjo ana' gimbalaka naparakai sa'genna a'jari lompo lalang balla'na siagang ngaseng ana'-ana'na. Anjo ana' gimbalaka nasarei kanre battu ri kanrena anjo taua, ba'lalo je'ne' inung battu ri cangkiri'na, siagang attinroi lalang ri riwaanna; bodona kana, napareki sangkamma ana' baine kalenna.

1 KARAENG-KARAENG 1:1

Kamma-kamma anne toa sikalimi Karaeng Daud. Manna pole nikalimbuki kalimbu' kapala', tuli dingingiji nasa'ring.

1 KARAENG-KARAENG 1:3

Jari nipa'boyammi ri sikontu Israel se're tulolo ga'gaya. Ri Sunem nia'mo nigappa sitau tulolo sannaka ga'gana, niarenga Abisag. Nierammi mae ri karaenga, nampa najagai siagang naparakai karaenga. Mingka tena nasikatinroang karaenga siagang ia.

2 PATTOTTORANG 29:11

Ikau ana'-anakku, teako pammukoangi pole, nasaba' ikau ngasemmi Napile Batara untu' anynyomba siagang a'jari atanNa, kammayatompa attunu dupa siagang ampimpingi ra'yaka untu' anynyomba.”

ESTER 2:2

Lanri kammana, nakanamo sikamma tumailalang ma'reppese'na, “Bajikangngangi punna nipa'boyang karaenga tulolo-tulolo ga'gaya.

KATO'BA 4:11

Ri wattu dinginna bangngia, ruaya tau siampi' attinro akkullei sikammuki, mingka antekamma batena lakkulle kammu' punna kale-kalenna?

MIKHA 7:5

Teako tappakki mae ri singngampi'nu, teako tanjengi mae ri agannu. Tutuko lalang ri kana-kanannu manna pole nabainennuja allangngereki.

PAOLE 10:8

Anjoreng ri monconga Naallemi Batara tu Lewi nampa Nasa'la' untu' angngurusuki Patti Parjanjianga siagang nalayani Batara, kammayatompa ampabattui kana barakkaka lalang arenNa Batara. Iaminjo tugasa'na ke'nanga sa'genna kamma-kamma anne.

PAOLE 13:6

Punna nia' sari'battannu, yareka ana' bura'nenu yareka ana' bainenu yareka bainennu nukamaseanga, yareka agang baji'nu anynyonyo' cokko-cokkoko untu' anynyomba mae ri rewata-rewata maraeng tenaya nuassengi siagang tenaya naassengi boe-boenu, rewata-rewata battua ri bansa-bansa ambania siagang bellaya ammantang,