तितस 3:1 - माझी

¹ सासकको र सरकारि हाकिमको अधिननाइ बसइ, आग्‍याकारि हकइ र हरेक मजार काम गरइलाइ तयार हकइ बाजिके उछिराइ मान्‍छेल्‍काइ सम्‍जाखन।

तितस 3:1 ပူးပေါင်းရင်းမြစ်များ

१ तिमोथि 2:2

अनि राजालत र उच्‍च पदनाइ हक्‍लाइ हाकिमको लागि पुनि पार्‌थना गरो, ता कि हाइ सुख-सान्‍ति र आनन्‍दसाथ सदइ पबित्‍र र आदरकर जिबन बिताइ सकु।

१ तिमोथि 4:6

यदि तुइनिन बिस्‍वासि दाजि-भाइकाइ ह्‍य सिछ्‌या सिकाइलइ भने तुइ हुर्‌किल असल सिछ्‌या र बिस्‍वासकर बचन पालन गर्‌तिन आइल खिरिस्‍ट येसुकर असल सेबक हक्‍नारआछस।

१ तिमोथि 5:10

अनि होइनिन मजार काम गर्‌लि, आफ्‍ने बेटाक-बेटेककाइ मजसिन हुर्‌काइलि, पाउनाल्‍काइ आफ्‍ने घरनाइ सेवा-सत्‍कार गर्‌लि, पर्‌भुकराइ जनको गोड धोइदिलि, दुखनाइ पर्‌लाल्‍काइ सयोग गर्‌लि र जुनसुके मजार कामनाइ ध्‍यान दिलि हकइ पर्‌छइ।

२ तिमोथि 1:6

होइहुदान मुइ तुइलाइ याद गराइछु, मुइनिन तुइउप्‍रान हात धर्‌तिन तुइनिन पाइल परमेसोरकर बरदानलाइ चालाइ धर।

२ तिमोथि 2:14

ह्‍य कुरो होल्‍काइ सम्‍जाइदिखन र सब्‍द-सब्‍दनाइ बाद-बिबाद बइगरइ बाजिके पर्‌भुकर अगाडि आराइ, ह्‍य कुरोन मजार बइगर। तर हेइनिन ता सुन्‍नाराइ मान्‍छेल्‍काइ पुनि बिगार्‌छइ।

२ तिमोथि 2:21

यदि कुनइ मानुसिन खराब कामलाइ छाडिके ह्‍वबान बद्‌दुर बस्‍छइ भने ह्‍व आदरकर कामनाइ चालाइनार भाडा जिन्‍खाए हक्‍नारआछ। र घरकर मालिककर लागि चोखो, असल र मन पर्‌नार भाडा हक्‍नारआछ।

तितस 1:16

होल्‍किन परमेसोरलाइ चिन्‍लाछे बाजिके दाबि ता गर्‌छत, तर होल्‍किन आफ्‍ने कामबाटेन चाइ परमेसोरलाइ इन्‍कार गरि धर्‌लाइ हक्‍छत। होलत घिनलाग्‍दाइ र अट्‌टेरि हक्‍छत, र कुनइ असल काम गरइ योग्‍यकराइ बइहकत।

तितस 2:14

खिरिस्‍टनिन हाम्‍रो सेब्‍बे पापबान हाइलाइ छुट्‌कारा देइकर लागि आफ्‍ने परान दिले। होइनिन आफ्‍ने लागि हाइलाइ सुद्‌द पारिके आफ्‍ने मान्‍छे बानाइले र असल काम गरइ जोसिलो मन दिले।

तितस 3:14

हाम्‍राइ मान्‍छेल्‍किन एकदम खाँचोनाइ पर्‌लाल्‍काइ सयोग गरिके असल काम गरइ सिक्‍दिखन। अनि होलत काम लाग्‍नाराइ मान्‍छेलत हक्‍दिखन।

तितस 3:8

ह्‍य कुरो साँच्‍चि हो। परमेसोरनाइ बिस्‍वास गर्‌नाराइ सेब्‍बाल्‍किन होसियारिसाथ असल काम गरो बाजिके तुइनिन जोड दिल मुइ चाइछु। किनारइभने ह्‍य कुरो मान्‍छेल्‍को लागि मजार र फाइदा आछि।