4 होल्किन बास्नि बेटिकाइ आफ्ने साहेक र बेटाक-बेटेककाइ मया गरइ,
तर कम उमेरकराइ बिद्दुइको नाम चाइ खातानाइ जुनलेख। किनारइभने होलत ब्याहा गरइ चाइछत अनि खिरिस्टनाइ मन देइ छाड्छत।
होइहुदान कम उमेरकराइ बिद्दुइकिन फेरि ब्याहा गर्दिखन, बेटाक-बेटेक पाइदिखन, घरबार चालाइदिखन, र बिरोदिल्किन हाम्रो बद्नाम गर्नार मउका जुनपाइदिखन बाज्नार मुइ सल्ला दिछु।
उन्खाए ने बुर्रिल्काइ आफ्ने आमालाइ जिन्खाए र आफि भन्दा स्याउनिल्काइ चाइ सुद्द मनिन आफ्ने बइनिलाइ जिन्खाए बेबहार गर।
उनिखे ने बुर्रिल्को बानि-बेबहार परमेसोरलाइ मन पर्नार हकइ पर्छइ। होल्किन आनेल्काइ बिना कामनाइ दोस बइलाइनाराइ र मातिकइ बइहिन्नाराइ हकइपर्छइ। जे असल आछि होइ कुरो होल्किन सिकाइदिखन।
आफिन आफिलाइ अधिननाइ धर्नार, सुद्द मनकर हकइ, दयालु, घरबार चालाइ सक्नार र आफ्ने साहेककर अधिननाइ बसइ बाजिके सिकाइदिखन। इन्खा गर्ला भने परमेसोरकर बचनकर बदनाम हक्नार बइने।
