तितस 2:14 - माझी

¹⁴ खिरिस्‍टनिन हाम्‍रो सेब्‍बे पापबान हाइलाइ छुट्‌कारा देइकर लागि आफ्‍ने परान दिले। होइनिन आफ्‍ने लागि हाइलाइ सुद्‌द पारिके आफ्‍ने मान्‍छे बानाइले र असल काम गरइ जोसिलो मन दिले।

तितस 2:14 ပူးပေါင်းရင်းမြစ်များ

पेरित 15:14

परमेसोरिन किनिखे आफ्‍ने नाउँकर लागि दया गरिके आने जातिकराइ मान्‍छेल्‍काइ छानिकइ होल्‍काइ आफ्‍ने जन बानाइले बाजिके सिमोन पत्‍रुसिन तोराल्‍काइ बाताइलाछ।

पेरित 15:9

परमेसोरिन यहुदि र आने जातिनाइ भेदभाब बइधर्‌ले। आने जातिराइ मान्‍छेल्‍किन बिस्‍वास गर्‌ला र परमेसोरिन होल्‍को हिर्‌दय सुद्‌द पार्‌ले।

पेरित 20:28

होइहुदान तोराल्‍किन आफ्‍ने र पबित्‍र आत्‍मान तोराल्‍काइ जुन बिस्‍वासिलत दिलाछ, होल्‍को मजसिन हेरचाह गरो। परमेसोरकर मन्‍डलिकराइ मान्‍छेल्‍को मजार गोठ्‌ला हको, किनारइभने पर्‌भु येसुन ह्‍व मान्‍छेल्‍काइ आफ्‍ने रकतिन किन्‍ल हो।

पेरित 9:36

योप्‍पा सहरनाइ तबिता नाउँ हक्‍लि पर्‌भुलाइ बिस्‍वास गर्‌नारि बेटि रइलि। गिरिक भासानाइ होलाइ डोरकास बल्‍तेला। हेइनिन जइले पुनि आनेल्‍काइ भलाइ गर्‌तेलि र गरिबकाइ सायता गर्‌तेलि।

१ तिमोथि 1:15

खिरिस्‍ट येसु पापि मान्‍छेल्‍काइ बाचाइकर लागि ने ह्‍य सन्‍सारनाइ आइल हो, ह्‍य कुरो सेब्‍बाल्‍किन सुइकार गरइ पर्‌छइ। ह्‍व पापिलत मद्‌दे मुइचाइ मुख्‍य पापि हो।

१ तिमोथि 2:10

तर आफिन असल काम गरिके देखाइदिखन। इन्‍खा गर्‌ल परमेसोरकर सेवा गर्‌नाराइ बेटिल्‍काइ स्‍वाइछइ।

१ तिमोथि 2:6

सेब्‍बाइ मान्‍छेल्‍को लागि पापकर मोल तिरिकइ छुट्‌कारा देइकर लागि येसु आफि बलि हक्‍ले। ह्‍य कुरोकर पर्‌मान परमेसोरिन ठिक समयनाइ दिलाछ।

१ तिमोथि 6:18

भलाइकर काम गरइ, मजार कामनाइ धनि हकइ, खाँचोनाइ पर्‌लाल्‍काइ खुल्‍ला मनिन र आफिसिन हक्‍ल कुरो आनेल्‍काइ देइ बाजिके होल्‍काइ बलइ।

तितस 2:7

तुइनिन सेब्‍बे कुरोनाइ असल कामकर नमुना हकिके आफिलाइ देखाउ र तोर सिछ्‌यानाइ इमान्‍दार, गम्‍भिर

तितस 3:8

ह्‍य कुरो साँच्‍चि हो। परमेसोरनाइ बिस्‍वास गर्‌नाराइ सेब्‍बाल्‍किन होसियारिसाथ असल काम गरो बाजिके तुइनिन जोड दिल मुइ चाइछु। किनारइभने ह्‍य कुरो मान्‍छेल्‍को लागि मजार र फाइदा आछि।