तितस 2:12 - माझी

¹² ह्‍य अनुगरहन हाइलाइ परमेसोरलाइ मन बइपर्‌नार जिबन र सन्‍सारिक लोब त्‍यागइ लाइछइ, र आफिन आफिलाइ अधिननाइ धरिके ह्‍य सन्‍सारनाइ सोजो र धर्‌मि जिबन बिताइ सिकाइछइ।

तितस 2:12 ပူးပေါင်းရင်းမြစ်များ

लुका 1:6

होलत धेजन परमेसोरकर हेराइनाइ धर्‌माति रइला, र होल्‍किन परमपर्‌भुन बल्‍ल सेब्‍बे आग्‍या मान्‍तेला।

लुका 1:75

होइ हुदान ढुक्‍कसिन बाचुन्‍जेलसम्‍म पबित्‍र र धर्‌माति हकिके, परमेसोरकर सेवा गरइ सकउ।

पेरित 24:16

होइहुदान मानुस र परमेसोरकर अगाडि मुइ सदइ आफ्‍ने बिबेकलाइ सुद्‌द धर्‌नार कोसिस गर्‌छु।

पेरित 24:25

तर पावलिन परमेसोरकर धार्‌मिक आग्‍या मानिके काम गरइपर्‌छइ, आफ्‍ने मनलाइ बसनाइ धरइपर्‌छइ र परमेसोरिन न्‍याय गर्‌नार दिन आइतिन आछि बल्‍ल कुरो सुनिके फेलिक्‍सिन आत्‍तितिन बाज्‍ले, “अखनलाइ जा, मउका मिल्‍ल बेलानाइ तुइलाइ फेरि बालाइछु।”

१ थेसलोनिकि 4:7

किनारइभने परमेसोरिन हाइलाइ असुद्‌द हकइ बया, तर पबित्‍र जिबन बिताइलाइ बालाइल हो।

१ थेसलोनिकि 4:9

अब एउटोन अर्‌कोलाइ गर्‌नार मयाकर बारेनाइ तोराल्‍काइ कुनइ कुरो लेखइ बइपर, किनारइभने परमेसोर आफिन ने तोराल्‍काइ मया गरइ सिकाइ सक्‍लाछ।

१ तिमोथि 4:12

छोडारि हक्‍तिन तापुनि कुन्‍नुल्‍किन तुइलाइ हेला जुनगर्‌दिखन, तर बिस्‍वासिल्‍को अगि बोलिबचन, बानिबेहोरा, मया, बिस्‍वास र सुद्‌दतानाइ तुइ एक नमुना बन।

१ तिमोथि 6:17

अखन ह्‍य सन्‍सारनाइ धनि हक्‍नाल्‍काइ घमन्‍ड जुनगरो बाजिके आग्‍या दिखन, र नस्‍ट हकिके जाइनार धननाइ बया तर हाइलाइ सेब्‍बे थोक पर्‌सस्‍त परयोग गरइ दिनार परमेसोरनाइ होल्‍किन आसा धर्‌दिखन।

१ तिमोथि 6:9

तर धनि हकइ चाइनाराइचाइ परिछ्‌यानाइ र पासोनाइ पर्‌छत। अनि धेरे मुर्‌ख र हानिकारक इछ्‌यानाइ डुब्‍छत, इन्‍खाए इछ्‌यान मान्‍छेल्‍काइ बर्‌बाद र सर्‌बनासनाइ पुराइछइ।

२ तिमोथि 3:12

खिरिस्‍ट येसुनाइ धर्‌मि जिबन बिताइनार इछ्‌या गर्‌नाराइ सेब्‍बाइ सतावटनाइ पर्‌नाराइ ने आछत।

२ तिमोथि 4:10

किनारइभने डेमासिन सन्‍सारनाइ हक्‍ल थोकलाइ मया गरिके मुइलाइ छाडिके थेसलोनिकेनाइ जाइलाछ। केरेसेन्‍स गलातियानाइ र तितसचाइ दलमातियानाइ जाइलाछ।

तितस 3:3

किनारइभने हाइ पुनि एक पल्‍ट मुर्‌ख, अट्‌टेरि, भुलनाइ पर्‌लाइ, बइमजार सोचबिचार र मोज-मस्‍तिनाइ फस्‍लाइ, रिस र डाहनाइ दिन बिताइनार गर्‌तेले। आनेल्‍किन हाइलाइ घिर्‌ना गर्‌तेला र हाइ पुनि आनेल्‍काइ घिर्‌ना गर्‌तेले।