तितस 1:5 - माझी

⁵ मुइनिन तुइलाइ बाकि हक्‍ल काम पुरा गरइ केरेटनाइ छाड्‍ल हो। मुइनिन तुइलाइ आराइल अन्‍सार हरेक सहरनाइ मन्‍डलिकर एल्‍डरलत छानइ।

तितस 1:5 ပူးပေါင်းရင်းမြစ်များ

पेरित 11:30

इनिखे उठाइल पइसा होल्‍किन बारनाबास र साउलकर हातनाइ यहुदिया मन्‍डलिकराइ एल्‍डरकोनाइ पाठाइदिला।

पेरित 14:23

जब पावल र बारनाबासिन सेब्‍बे मन्‍डलिनाइ एल्‍डरलत नियुक्‍त गर्‌ला, अनि उपबास बसिके पार्‌थना गर्‌तिन ह्‍व चेलाल्‍काइ आफिन बिस्‍वास गर्‌ल पर्‌भुकर जिम्‍मानाइ छाड्‌दिल्‍याक।

पेरित 2:11

केरेटकराइ र अरबबान आइलाइ मान्‍छेलत आछे, हेल्‍किन परमेसोरिन गर्‌ल महान कामकर बारेनाइ बाज्‍ल हाइ आ-आफ्‍ने भासानाइ सुन्‍तिन आछे।”

पेरित 27:12

जाडोकर समय काटइलाइ ह्‍व बन्‍दरगाह मजार बइरल्‍ति, होइहुदान धेरेजसो मान्‍छेल्‍किन जिनिखे पुनि फोनिक्‍स सहरनाइ पुगिके जाडो काटाइनार बाजिके उछ्‌यान जहाज चालाइहाल्‍नार सल्‍ला दिला। फोनिक्‍सचाइ केरेटकर एउटो बन्‍दरगाह हो, ह्‍व दछिन-पस्‍चिम र उत्‍तर-पस्‍चिमदिस फर्‌किलाछि।

पेरित 27:13

दछिनपटिबान बिस्‍तारे बातास चलइ लागल्‍ते, अब हाम्‍रो योजना सफल हक्‍छि बाजिके होल्‍किन जहाज अडाइकइ धर्‌ल लङ्‌गर निकाल्‍ला र जहाजलाइ केरेट टापुकर छेउ-छेउबान लाकाइला।

पेरित 27:21

जहाजनाइ हक्‍लाइ मान्‍छेल्‍किन केइ बइखाइल धेरे दिन हकिसक्‍ल रल्‍ति। होइहुदान पावलिन सेब्‍बाल्‍को अगाडि ठडाइके बाज्‍ले, “साथि हो, तोराल्‍किन मोर सल्‍ला मानिके केरेटबान जहाज चालाइ बइहक्‍नाल्‍ति, ह्‍व बेला मुइनिन दिल सल्‍ला मान्‍ल हक्‍लान न ता इन्‍खा दुख ने पाइनाले न ता केइ सामान ने नस्‍ट हक्‍नाल्‍ति।

पेरित 27:7

धेरइ दिनसम्‍म बिस्‍तारे-बिस्‍तारे गर्‌तिन दुखसिन किनिडस सहर पुग्‍ले, र बातासिन हाइलाइ अगाडि बाढइ बइदिल हुदान केरेट टापुकर आड लिके हाइ सालमोनेकर छेउ-छेउ हक्‍तिन जाइले।

१ तिमोथि 1:3

मुइ माकेडोनिया जाइतिन तुइलाइ बिन्‍ति गर्‌ल जिन्‍खाए एफिससनाइ ने बस र गलत सिछ्‌या सिकाइनारकाइ कडा आग्‍या दिखन।

२ तिमोथि 2:2

धेराइ मान्‍छेल्‍को साछिनाइ मुइबान तुइनिन जे कुरो सुन्‍लाछस, ह्‍व कुरो आनेल्‍काइ सिकाइ सक्‍नाराइ बिस्‍वासिलो मान्‍छेल्‍काइ जिम्‍मा दिखन।

तितस 1:12

होलत मद्‌देकर एउटो अगमबक्‍तान इत्‍तिके बाज्‍लाछ, “केरेटकराइ मान्‍छेलत सदइ झुट बाज्‍नाराइ, दुस्‍ट पसुलत जिन्‍खाए र अल्‍छि घिचुवालत हक्‍छत।”