तितस 1:11 - माझी

¹¹ होल्‍को मुख बन्‍द पारइपर्‌छइ, किनारइभने होल्‍किन आफ्‍ने फाइदाकर लागि नचाइदो सिछ्‌या सिकाइकइ सेब्‍बे घर-परिवारलाइ बिगारि धर्‌लाछत। इन्‍खा सिछ्‌या होल्‍किन सिकाइ बइहक्‍नाल्‍ति।

तितस 1:11 ပူးပေါင်းရင်းမြစ်များ

लुका 20:40

ह्‍व पछि फेरि कुन्‍नुल्‍किन केइ सोद्‌नार आँट बइगर्‌ला।

१ तिमोथि 5:13

ह्‍य बाएक होलत घर-घरनाइ डुल्‍तिन हिन्‍नार बानि परिके अल्‍छि हक्‍छत, यत्‍ता मात्‍र बया कुरउटे, आनेल्‍को कामनाइ हात हाल्‍नार र बाजइ बइहक्‍नार कुरो पुनि बाज्‍तिन हिन्‍नार हक्‍छत।

१ तिमोथि 5:4

तर जुन बिद्‌दुइको बेटाक-बेटेक वा नातेक-नात्‍नेकलत आछत भने, होल्‍किन ने पइला आफ्‍ने परिवारकर जिम्‍मा पुरा गरइ सिक्‍दिखन र आफ्‍ने आमेक-ब्‍वाक वा बाजेक-बुढेकिन लाइल गुन तिरइ सक्‍दिखन, किनारइभने परमेसोरिन इन्‍खाए गर्‌ल मन पराइछइ।

१ तिमोथि 6:5

इन्‍खा मान्‍छेलत ता एकोरो कच-कच गरिधर्‌छत, होल्‍को बुद्‌दि बिग्‍रिल हक्‍स्‍याक, होल्‍किन सत्‍य गुमाइ सक्‍लाइ हक्‍छत, होल्‍किन धार्‌मिक सिछ्‌या पालन गरइचाइ धन कामाइनार उपाय हो बाजिके सम्‍जिछत।

२ तिमोथि 2:18

होल्‍किन सत्‍य कुरोलाइ त्‍यागि सक्‍लाछत र पुनरुत्‍थान पइला ने हकिसक्‍लाछि बाजिके कत्‍ताल्‍को बिस्‍वास ने खलबलाइ दिल्‍याक।

२ तिमोथि 3:6

किनारइभने होलत मद्‌दे कत्‍ता चाइ घर-घरनाइ जाइके पापिन भरिलाइ र धेरे थरिकर खराब इछ्‌यान भरिलाइ कमजोर बेटिकाइ आफ्‍ने अधिननाइ पार्‌छत।

तितस 1:7

किनारइभने परमेसोरकर काम गर्‌नार हक्‍ल हुदान अगुवा चाइ निर्‌दोस हकइपर्‌छइ। ह्‍व झट्‍टइ बइरिसाइनार, मातिकइ बइहिन्‍नार, झगडा बइगर्‌नार, र धनकर लोब बइगर्‌नार हकइपर्‌छइ।

तितस 1:9

आफिन पाइल साँचो सिछ्‌यानाइ इस्‍थिर हकइ पर्‌छइ, र होइनिन आनेल्‍काइ पुनि ह्‍व साँचो सिछ्‌याबान उत्‍साह देइ सक्‍दिक। ह्‍व सिछ्‌याकर बिरोद गर्‌नारकाइ पुनि गल्‍ति देखाइ सक्‍नार हकइपर्‌छइ।

तितस 3:10

झगडा गर्‌नार मानुसलाइ चाइ एक-दुइ चोटि सम्‍जाइ। उनिखे गर्‌तिन पुनि बइमान्‍ले भने ह्‍वसिन कुनइ सम्‍बन्‍ध बइधरइ।