तितस 1:1 - माझी

¹ परमेसोरकर दास र येसु खिरिस्‍टकर पेरित मुइ पावलकर तर्‌फबान सेवाढोग। परमेसोरिन छान्‍लाइ मान्‍छेल्‍काइ बिस्‍वासनाइ बल्‌-ल्‍यो बानाइलाइ र परमेसोरलाइ मन पर्‌नार जिबन किनिखे बिताइनार बाजिके सत्‍यकर ग्‍यान सिकाइलाइ होइनिन मुइलाइ छानिकइ पाठाइलाछ।

तितस 1:1 ပူးပေါင်းရင်းမြစ်များ

लुका 18:7

उन्‍खाए परमेसोरलाइ रात-दिन पुकार्‌नाराइ आफ्‍ने मान्‍छेल्‍काइ परमेसोरिन न्‍याय बइगरक र? केति परमेसोरिन होल्‍काइ सायता गरइ ढिलो गर्‌छइ र?

पेरित 13:48

ह्‍य कुरो सुनिके आने जातिलत रामाइतिन परमेसोरकर बचनकर पर्‌सन्‍सा गरइ लाग्‍ला। अजम्‍बरि जिबनकर लागि छानिलाइ जत्‍ताल्‍किन येसुनाइ बिस्‍वास गर्‌ला।

१ तिमोथि 2:4

अनि सेब्‍बाइ मान्‍छेल्‍किन मुक्‍ति पाइल र सत्‍य कुरो था पाइल परमेसोरिन चाइछइ।

१ तिमोथि 3:16

हाइलाइ था आछ, हाइनिन गर्‌ल बिस्‍वासकर रहस्‍य एकदम बड्‌खो आछि, ह्‍व मानुसकर सरिरनाइ देखा पर्‌ले, पबित्‍र आत्‍माबान धर्‌मि ठहरिले, अनि होलाइ स्‍वर्‌गदुतकिन देख्‍ला, जाति-जातिल्‍को माजनाइ पर्‌चारिले, सन्‍सारनाइ होलाइ बिस्‍वास गर्‌ला, सम्‍मानसाथ होलाइ स्‍वर्‌गनाइ लाकाल्‍ते।

१ तिमोथि 6:3

यदि कुन्‍नुल्‍किन झुटो सिछ्‌या सिकाइछइ र हाम्‍रो पर्‌भु येसु खिरिस्‍टकर सत्‍य बचन र धार्‌मिक सिछ्‌यानाइ सहमत बइहक भने,

२ तिमोथि 2:10

होइहुदान मुइ परमेसोरिन छान्‍लाइ मान्‍छेल्‍को लागि सेब्‍बे दुख सइछु। ताकि होल्‍किन पुनि खिरिस्‍ट येसुनाइ मुक्‍ति र अनन्‍त महिमा पाइ सक्‍दिखन।

२ तिमोथि 2:23

तर तुइ मुर्‌ख र बिना कामकर बाद-बिबादबान बद्‌दुरे बस। तुइलाइ था रोइस्‍यास, इन्‍खा कुरोन झगडा मात्‍र हक्‍छि।

२ तिमोथि 2:25

र आफ्‍ने बिरोदिकाइ नम्‍र हकिके सम्‍जाइ सक्‍नार हकइ पर्‌छइ। इन्‍खा गर्‌लइ भने परमेसोरिन होल्‍काइ आफ्‍ने पाप मानिलिनार र सत्‍यलाइ बुज्‍नार मन हाल्‍दिस्‍याक हुदो।