4 उछिका एलिया र मोसा देखा पर्ला र येसुसिन कुरो गरइ लाग्ला।
अनि येसुकर लुगा चम्किके इन्खा गोरो हकल्ते कि धर्तिनाइ कुन्नुल्किन पुनि धोइकइ इन्खा गोरो पारइ बइसकत।
ह्य देखिके पत्रुसिन येसुलाइ बलल्ते, “गुरु, हाइ इछि बसइ मजार रल्तिसइ। हाइ इछि तिन्टो छाप्रो बानाउ, एउटो तुइलाइ, एउटो मोसालाइ र एउटो एलियालाइ।”
अनि येसुन होल्काइ मोसान र सेब्बाइ अगमबक्ताल्किन लेख्ल धर्मसास्तरनाइ आफ्ने बारेनाइ लेख्ल कुरो बुझाइदिल्याक।
येसुन होल्काइ बल्-ल्याक, “मुइ तोराल्कोसिन हक्तिन बाज्ल कुरो हेइ ने हो, मोर बारेनाइ मोसान लेख्ल बेबस्थाकर किताबनाइ, अगमबक्ताकर किताबनाइ र भजनसङ्ग्रहकर किताबनाइ लेख्ल सेब्बे कुरोलत पुरा हकइ पर्छि बाजिके तोराल्काइ बल्ल रइनाइ।”
होल्किन बाज्ला, “कुन्नुल्किन बप्तिस्मा दिनार युहन्ना हो बाज्छत, कुन्नुल्किन एलिया अगमबक्ता हो बाज्छत, अनि कुन्नुल्किन चाइ उइलेकर कोइ अगमबक्ता मर्लबान जिउँतिल हक्ति बाज्छत।”
