मर्‌कुस 9:25 - माझी

²⁵ येसुन मान्‍छेल्‍को भिड कुत्‍तिन आइधर्‌ल देखिके भुत आत्‍मालाइ हाकार्‌तिन बलल्‍ते,“ए गुँगो र बइरा पार्‌नार आत्‍मा, मुइ तुइलाइ आग्‍या गर्‌छु, ह्‍व छोडारिबान निस्‍किके आबे र फेरि कइले ह्‍व भित्‍र जुनपोस।”

मर्‌कुस 9:25 ပူးပေါင်းရင်းမြစ်များ

पेरित 16:18

ह्‍व बेटिन धेरइ दिनसम्‍म इन्‍खाए गरिधर्‌लि। इत्‍तिके साराइ धर्‌लनाइ पावललाइ दिक्‍क लागिकइ ह्‍व बेटिदिस फर्‌किके भुत आत्‍मालाइ बलल्‍ते, “येसु खिरिस्‍टकर नाउँनाइ मुइ तुइलाइ आग्‍या गर्‌छु, तुइ ह्‍व बेटिबान निस्‍किके जाइहाल।” इन्‍खा बल्‍लेसात ह्‍व भुत आत्‍मा निस्‍किके जाइहाल्‍ले।

लुका 9:42

ब्‍वाकिन बेटाकलाइ आन्‍तिन-आन्‍तिन भुत आत्‍मान होलाइ पछारिकइ अइठन पारल्‍ते। तर येसुन भुत आत्‍मालाइ हाकारल्‍ते र ह्‍व छोडारिलाइ बिसेक पारिके होक्‍र ब्‍वाकलाइ दिल्‍ते।

मर्‌कुस 9:15

सेब्‍बाइ भिडकिन येसुलाइ देख्‍लेसात एकदम अचम्‍म मान्‍ला र कुत्‍तिन जाइके येसुलाइ सेवाढोग गर्‌ला।

लुका 11:14

एउटो मानुसलाइ भुतिन गुँगो बानाइल रल्‍ति। येसुन ह्‍व भित्‍र हक्‍ल भुत निस्‍काइल पछि ह्‍व मानुस बाजइ थाल्‍ले। ह्‍य देखिके मान्‍छेल्‍को भिड छक्‍क पर्‌ला।

लुका 8:29

किनारइभने येसुन भुतलाइ ह्‍व मानुसबान निस्‍किजाइनार आग्‍या दिल रल्‍ति। होलाइ धेरइ चोटि भुत आत्‍मान दुख दिल रल्‍ति। होक्‍र हात गोडनाइ साङ्‌लान बादिके धर्‌तिन पुनि भुत आत्‍माकर सक्‍तिन साङ्‍ला चुट्‍टाइकइ उजाड केइ बइहक्‍ल ठउँदिसउने लाकाइतेल्‍ति।

लुका 4:41

अनि धेराइ मान्‍छेल्‍कोबान भुतलत चिच्‍याइकइ इत्‍तिके बाज्‍तिन निस्‍किला, “तुइ परमेसोरकर बेटाक हो!” तर येसुन भुतकाइ हाकार्‌ल्‍याक र केइ बाजइ बइदिल्‍याक किनारइभने येसु मुक्‍ति दिनार राजा खिरिस्‍ट हो बाजिके होल्‍किन चिन्‍तेला।

लुका 4:35

ह्‍य सुनिके येसुन ह्‍व भुतलाइ हाकार्‌तिन बलल्‍ते, “चुप लाग र ह्‍य मानुसबान निस्‍किके जाइहाल!” ह्‍व मानुसलाइ सेब्‍बाल्‍को सामुन्‍ने पछारिकइ भुत निस्‍किले, तर होलाइ किछु पुनि चोट पटक बइलागल्‍ते।

मर्‌कुस 9:24

ह्‍य सुन्‍लेसात छोडारिकर ब्‍वाकिन साराइतिन बाज्‍ले, “मुइ बिस्‍वास गर्‌छु, मोर बिस्‍वासलाइ अजइ बाडाइदेउ।”

मर्‌कुस 9:26

अनि ह्‍व भुत आत्‍मा चिच्‍याइकइ, छोडारिलाइ अरठ्‌ठ पारिके पछारल्‍ते र निस्‍किके जाइले। छोडारि मर्‌लठि हक्‍ले, धेराल्‍किन ता मर्‌लसइ बाजइ लाग्‍ला।