मर्‌कुस 8:17 - माझी

¹⁷ येसुन ह्‍य था पाइके होल्‍काइ बल्‌-ल्‍याक,“तोराल्‍कोसिन पिठो बइने बाजिके किनारे कुरो गर्‌छो? तोराल्‍किन अजइ देख्‍लाइ र बुज्‍लाइ बइने? केति तोराल्‍को मन अजइ कठोर आछि?

मर्‌कुस 8:17 ပူးပေါင်းရင်းမြစ်များ

मर्‌कुस 16:14

ह्‍व पछि एघारुटाइ चेलालत खाइधर्‌ल बेला येसु होल्‍कोनाइ देखा पर्‌ले। अनि येसुन होल्‍को अबिस्‍वास र आफ्‍ने मन कठोर पार्‌लनाइ हाकार्‌ल्‍याक। किनारइभने होल्‍किन येसु मर्‌लबान जिउँते हकिके उठ्‌लाछ बलिके आनेल्‍किन बल्‍ल कुरोनाइ बिस्‍वास गर्‌लाइ बइरइला।

मर्‌कुस 2:8

अनि येसुन होल्को मनकर कुरो आफ्‍ने आत्‍मानाइ था पाइके होल्‍काइ बल्‌-ल्‍याक,“तोरा किनारे आफ्‍ने मननाइ इन्‍खा बिचार गर्‌छो?

मर्‌कुस 3:5

अनि होल्को कठोर हिर्‌दय देखिके येसु दुखित हक्‍ले र एकदम रिसाइतिन सेब्‍बाल्‍काइ हेर्‌ले। अनि येसुन ह्‍व मानुसलाइ बलल्‍ते,“तोर हात तन्‍काउ।” होइनिन हात तन्‍काइले र होक्‍र हात सद्‌दे हकिहालल्‍ते।

मर्‌कुस 6:52

येसुन पाँच हजारकाइ पिठो ख्‍वाइल देखिके पुनि होल्‍किन बुजइ सक्‍लाइ बइरइला, किनारइभने होल्‍को मन कठोर रल्‍ति।

मर्‌कुस 8:16

“हाइसिन पिठो बइहक्‍ल हुदान येसुन इन्‍खा बल्‍ल हुदो” बाजिके चेलालत आफि-आफिनाइ कुरो गरइ लाग्‍ला।

लुका 24:25

येसुन होल्‍काइ बल्‌-ल्‍याक, “तोरा ता किन्‍खा अबुज मान्‍छेलत, तोराल्‍को हिर्‌दय बोदो हक्‍लाछि, अगमबक्‍ताल्‍किन बल्‍ल कुरो पुनि तोराल्‍किन बिस्‍वास बइगरो।