मर्‌कुस 6:51 - माझी

⁵¹ अनि येसु होल्‍को लाउनाइ चड्‌ले र बातास पुनि रोकिहालल्‍ते। ह्‍य देखिके चेलालत एकदम छक्‍क पर्‌ला।

मर्‌कुस 6:51 ပူးပေါင်းရင်းမြစ်များ

मर्‌कुस 1:27

ह्‍य देखिके सेब्‍बाइ अचम्‍म मान्‍ला, र आफि-आफिनाइ सोदासोद गरइ लाग्‍ला, “ह्‍य केति हो? ह्‍य ता नयाँ सिछ्‌या रल्‍तिसइ। हेइनिन ता अधिकार सहित भुत आत्‍माल्‍काइ आग्‍या दिस्‍याक, र होल्‍किन हेक्‍र आग्‍या मान्‍छत।”

मर्‌कुस 2:12

ह्‍व उठ्‌ले र खाट बोकिके उछ्‌यान हिनिहाल्‍ले। ह्‍य देखिके मान्‍छेलत छक्‍क पर्‌ला र परमेसोरकर पर्‌सन्‍सा गर्‌तिन बाज्‍ला, “इन्‍खा ता हाइनिन कइले पुनि देख्‍लाइ बइने।”

मर्‌कुस 4:39

येसुन उठिके हुन्‍डरि-बातास र छालकाइ हाकार्‌तिन बाज्‍ले,“सान्‍त हक! रोकिहाल!” उत्‍तिने खेर हुन्‍डरि रोकल्‍ते र एकदमइ सान्‍त हकल्‍ते।

मर्‌कुस 4:41

अनि चेलालत एकदम डाराइतिन आफि-आफिनाइ बाजइ लाग्‍ला, “ह्‍य कुन हो? हुन्‍डरि-बातास र छालिन पुनि हेक्‍र आग्‍या मान्‍छत।”

मर्‌कुस 5:42

अनि छुनेनि जुरुक्‍क उठ्‌लि, र हिन्‍डुल गरइ लाग्‍लि। ह्‍य देखिके होलत छक्‍क पर्‌ला। ह्‍व बार बर्‌सकरि रइलि।

मर्‌कुस 6:32

होइहुदान होलत लाउनाइ चडिके सुटुक्‍क एकान्‍त ठउँनाइ जाइला।

मर्‌कुस 7:37

होलत एकदम अचम्‍म मान्‍तिन बाजइ लाग्‍ला, “येसुन सेब्‍बे कुरो मजार गर्‌लाछ। येसुन बहिरालाइ सुन्‍नार र गुँगोलाइ बोलइ सक्‍नार बानाइछइ।”