32 होइहुदान होलत लाउनाइ चडिके सुटुक्क एकान्त ठउँनाइ जाइला।
ह्य देखिके मान्छेल्को भिडिन आफिलाइ जुन गेचाइदिखन बाजिके येसुन चेलाल्काइ एउटो लाउ ठिक पारइ लाइल्याक।
अनि भिडकोसिन बिदा लिलपछि, येसु जुन्टो लाउनाइ बस्ल रइल होइ लाउनाइ चेलाल्किन येसुलाइ आफ्ने साथनाइ लाकाइला। र आने लाउलत पुनि होल्को साथनाइ रल्ति।
तर धेराइ मान्छेल्किन होलत जाइधर्ल देखिके धेराकिन चिन्ला, अनि सेब्बे सहरबान मान्छेलत होलत जाइलाग्ल ठउँनाइ कुत्तिन जाइला र होलत भन्दा अगाडि ने उछि पुग्ला।
अनि येसुन तुरुन्तइ चेलाल्काइ लाउनाइ चडाइकइ आफि भन्दा अगाडि तालकर पारपटि बेथसेदा पाठाइल्याक। आफिचाइ भिडकाइ बिदा देइलाइ उछि बस्ले।
अनि येसु होल्को लाउनाइ चड्ले र बातास पुनि रोकिहालल्ते। ह्य देखिके चेलालत एकदम छक्क पर्ला।
