मर्‌कुस 4:39 - माझी

³⁹ येसुन उठिके हुन्‍डरि-बातास र छालकाइ हाकार्‌तिन बाज्‍ले,“सान्‍त हक! रोकिहाल!” उत्‍तिने खेर हुन्‍डरि रोकल्‍ते र एकदमइ सान्‍त हकल्‍ते।

मर्‌कुस 4:39 ပူးပေါင်းရင်းမြစ်များ

मर्‌कुस 4:38

तर येसुचाइ लाउकर पछाडिपटि सिरानि लाइके निदाइधर्‌ल रइल। चेलाल्‍किन येसुलाइ इत्‍तिके बाज्‍तिन उठाइला, “गुरु, हाइ डुबइ लाग्‍ले, तुइलाइ केइ वास्‍ता बइन्‍यास?”

मर्‌कुस 9:25

येसुन मान्‍छेल्‍को भिड कुत्‍तिन आइधर्‌ल देखिके भुत आत्‍मालाइ हाकार्‌तिन बलल्‍ते,“ए गुँगो र बइरा पार्‌नार आत्‍मा, मुइ तुइलाइ आग्‍या गर्‌छु, ह्‍व छोडारिबान निस्‍किके आबे र फेरि कइले ह्‍व भित्‍र जुनपोस।”

लुका 4:35

ह्‍य सुनिके येसुन ह्‍व भुतलाइ हाकार्‌तिन बलल्‍ते, “चुप लाग र ह्‍य मानुसबान निस्‍किके जाइहाल!” ह्‍व मानुसलाइ सेब्‍बाल्‍को सामुन्‍ने पछारिकइ भुत निस्‍किले, तर होलाइ किछु पुनि चोट पटक बइलागल्‍ते।

लुका 4:39

येसुन होक्‍र नजिकइ जाइके जोरोलाइ हाकारल्‍ते र जोरोन छाडिहालल्‍ते अनि ह्‍व उठिके होल्को सेवा गरइ थाल्‍लि।

लुका 8:24

होइ हुदान चेलाल्‍किन आइके येसुलाइ उठाइतिन बाजइ लाग्‍ला, “गुरु, गुरु, हाइ ता डुबइ आट्‍ले।” अनि येसु उठिके हुन्‍डरि र बुङ्‌डो-बुङ्‌डो छाललाइ हाकार्‌ले। उत्‍तिने खेर थामिल्‍ते र सान्‍त हकिहालल्‍ते।