31 ह्य ता पासाइकर एक गेडा बिउ जिन्खाए आछि। धर्तिनाइ सेब्बे बिउ भन्दा स्यान्खि हक्तिन ता पुनि माटिनाइ छर्ल पछि,
येसुन फेरि बाज्ले,“परमेसोरकर राज्यलाइ केतिसिन दाँजु? अथवा केतिकर उखान बाजिके हेक्र बारेनाइ बुजाउ?
ह्य केइ दिननाइ ने बाढिके सेब्बे साग-पात भन्दा बड्खो गाछ हक्छि, र बड्खो-बड्खो हङ्गालत हाल्छि, अनि चरिल्किन आइके होक्र हङ्गानाइ खोँदा बानाइके बस्छत।”
पर्भुन बल्-ल्याक, “तोराल्कोसिन पासाइकर एउटि गेडा जत्ता बिस्वास आछि भने तोराल्किन ह्य तुतकर गाछलाइ ‘तुइ उख्लिके समुन्द्रनाइ रोपि जा’ बाज्लो भने होइनिन मान्नारआछ।
इत्तिके पर्भुकर बचन सक्तिसालि हक्तिन र फइलितिन जाल्ते।
जत्ताल्किन पत्रुसिन बल्ल कुरोनाइ बिस्वास गर्ला, होल्किन बप्तिस्मा लिला र ह्व दिन लगभग तिन हजार जत्ता मान्छेलत होल्को सङ्ख्यानाइ थपिला।
पावलकर कुरो सुनिके होल्किन परमेसोरकर पर्सन्सा गर्ला। अनि होल्किन पावललाइ बल्ला, “हेर भाइ, इछि पुनि हजारउ यहुदिल्किन पर्भु येसुनाइ बिस्वास गर्लाछत, र मोसान लेख्ल परमेसोरकर नियम पुनि मजसिन पालन गर्छत।
तर बचन सुन्नाराइ धेराल्किन बिस्वास गर्ला, र बिस्वास गर्नाराइ अडेल्को सङ्ख्या लगभग पाँच हजार हकल्ते।
पर्भुनाइ बिस्वास गर्नाराइ अडे-बेटिकर सङ्ख्या झन धेरइ थपइ लागल्ते।