मर्‌कुस 2:2 - माझी

² यति धेराइ मान्‍छेलत जम्‍मा हक्‍ला कि होलत उछिका बइआट्‌ला, दइलो बाइर पुनि ठउँ बइरल्‍ति। येसुन होल्‍काइ परमेसोरकर बचन पर्‌चार गरिधर्‌ल रइल।

मर्‌कुस 2:2 ပူးပေါင်းရင်းမြစ်များ

मर्‌कुस 1:14

युहन्‍ना थुनानाइ पर्‌लपछि परमेसोरकर सुसमचार पर्‌चार गर्‌तिन येसु गालिलनाइ आइले।

मर्‌कुस 1:33

ह्‍व सहरकराइ सेब्‍बाइ मान्‍छेलत घरकर चात्‍रानाइ जम्‍मा हक्‍लाइ रइला।

मर्‌कुस 1:37

येसुलाइ भेट्‌टाइल पछि होल्‍किन बाज्‍ला, “सेब्‍बाल्‍किन तुइलाइ हेरिधर्‌लाछत।”

मर्‌कुस 1:45

अनि ह्‍व निस्‍किके जाइले, र आफि बिसेक हक्‍ल कुरो सेब्‍बेपटि सुनाइ लाग्‍ले। होइहुदान येसु फेरि खुल्‍लमखुल्‍ला सहरनाइ पोसइ बइसक्‍ले र एकान्‍त ठउँनाइ बसइ लाग्‍ले। तर मान्‍छेलत चारेपट्‌यान येसु हक्‍लनाइ आइला।

मर्‌कुस 2:1

केइ दिनपछि येसु कफर्‌नहुम सहरनाइ फर्‌किले। अनि मान्‍छेल्‍किन येसु घरनाइ रोइसे बल्‍ल सुनिके

मर्‌कुस 2:13

येसु फेरि गालिल तालकर छेउनाइ जाइले। धेराइ मान्‍छेलत येसु हक्‍लनाइ आइला र येसुन होल्‍काइ सिछ्‌या दिल्‍याक।

मर्‌कुस 6:34

जब येसु लाउबान झर्‌ले उछिका येसुन मान्‍छेल्‍को बड्‌खो भिड देख्‍ले, र येसुकर मन दयान भरल्‍ते। किनारइभने होलत गोठ्‌ला बिनाकर भेडि जिन्‍खाए रइला। तब येसुन होल्‍काइ धेरइ कुरो सिकाइ थाल्‍ले।

लुका 12:1

जब हजारउ मान्‍छेल्‍को भिड जम्‍मा हक्‍ला, इछिसम्‍म कि एउटोन अर्‌कोलाइ पेलापेल गरइ लाग्‍ला, येसुन पइले आफ्‍ने चेलाल्‍काइ बल्‌-ल्‍याक, “तोरा फरिसिल्‍को खमिरदेखि होसियार बसो। ह्‍व खमिर होल्‍को कपटि बिचार हो।

लुका 5:17

एक दिन येसुन घर भित्‍र मान्‍छेल्‍काइ सिछ्‌या दिधर्‌ल रइल। केइ धर्‌म-गुरुलत र फरिसिलत पुनि येसुकर छेउनाइ बसिधर्‌लाइ रइला। होलत चाइ गालिल र यहुदिया छेत्‍रकर सेब्‍बे गाउँ र यरुसलेम सहरबान पुनि आइलाइ रइला। येसुसिन बिरामिल्‍काइ बिसेक पार्‌नार परमपर्‌भुकर सक्‍ति रल्‍ति।

लुका 8:1

अनि ह्‍व पछि येसु परमेसोरकर राज्‍यकर बारेनाइ गाउँ-गाउँ र सहर-सहरनाइ सुसमचार सुनाइतिन जाइले। येसुसिन बारेउटाइ चेलालत पुनि रइला।

लुका 8:11

“उखानकर अर्‌थ ह्‍य हो, बिउ चाइ परमेसोरकर बचन हो।

पेरित 11:19

इस्‍तिफनसलाइ मार्‌ल पछि सतावट सुरु हकल्‍ते, र बिस्‍वासिलत छरपस्‍ट हकिके कोइ फोनिके छेत्‍र, कोइ साइपरस टापु र कोइ एन्‍टिओखिया सहरसम्‍म पुग्‍ला। होल्‍किन यहुदिल्‍काइ मात्‍र सुसमचार सुनाइला।

पेरित 14:25

पर्‌गानाइ बचन पर्‌चार गरिके होलत अटालियानाइ झर्‌ला।

पेरित 16:6

पावल र होक्‍र साथेककाइ पबित्‍र आत्‍मान एसिया छेत्‍रनाइ बचन पर्‌चार गरइ रोक्‍ल हुदान होलत फिर्‌गिया र गलातिया इलाका हक्‍तिन जाइला।

पेरित 8:25

अनि पत्‍रुस र युहन्‍नान आफ्‍ने साछि र पर्‌भुकर बचन सुनाइसक्‍ल पछि सामरिया छेत्‍रकर धेरे गाउँनाइ सुसमचार पर्‌चार गर्‌तिन यरुसलेम फर्‌किला।

२ तिमोथि 4:2

बचन पर्‌चार गर, हर समयनाइ बचन सुनाइ तयार हक, अर्‌ति दिखन, हप्‍काखन, उत्‍साह दिखन र धइरेसाथ सिछ्‌या सिकाखन।